English | Telugu
సంపత్ నంది రచ్చ కథ బాగుంది- రామ్ చరణ్
Updated : May 10, 2011
"సంపత్ నంది "రచ్చ" కథ బాగుంది" అని రామ్ చరణ్ అన్నారట. వివరాల్లోకి వెళితే మెగా సూపర్ గుడ్ మూవీస్ పతాకంపై, రామ్ చరణ్ తేజ హీరోగా, మిల్కీవైట్ బ్యూటీ తమన్నా భాటియా హీరోయిన్ గా, "ఏమైంది ఈ వేళ" ఫేం సంపత్ నంది దర్శకత్వంలో, యన్.వి.ప్రసాద్, పరాస్ జైన్ నిర్మిస్తున్న అవుట్ అవుట్ మాస్ ఎంటర్ టైనర్ చిత్రం "రచ్చ". ఈ సినిమా కోసం హీరో రామ్ చరణ్ అమెరికా వెళ్ళి శరీర దారుఢ్యాన్ని మరింత మెరుగుపరచుకుని ఎయిట్ ప్యాక్ తో తిరిగొచ్చాడట హీరో రామ్ చరణ్.
ఈ "రచ్చ" సినిమా కథ తనకు చాలా బాగా నచ్చిందనీ, ఈ కథలో తన అభిమానులకు కావలసిన అన్ని మసాలాలూ ఉన్నాయనీ, వాళ్ళకి ఈ సినిమా పూర్తిగా సంతృప్తినిచ్చే రీతిలో ఉంటుందనీ హీరో రామ్ చరణ్ అన్నారు. "ఆరెంజ్" సినిమా ఆశించిన స్థాయిలో విజయం సాధించకపోవటంతో నిరాశపడిన అభిమానులకు "రచ్చ" సినిమా కచ్చితంగా ఆ లోటుని పూడుస్తుందన్న నమ్మకంతో హీరో రామ్ చరణ్ ఉన్నాడు. ఈ సినిమాలో కథే కాకుండా అతని క్యారెక్టరైజేషన్ కూడా చాలా విభిన్నశైలిలో సాగుతుందని వినికిడి.