నవంబర్ లో ప్రభాస్ "రెబెల్" ఆడియో రిలీజ్ కానుందని విశ్వసనీయవర్గాలద్వారా అందిన సమాచారం. వివరాల్లోకి వెళితే బాలాజీ సినీ మీడియా పతాకంపై, యంగ్ రెబెల్ స్టార్ ప్రభాస్ హీరోగా, అందాల యోగా టీచర్ అనుష్క, దీక్షా సేథ్ హీరోయిన్లుగా, కొరియోగ్రాఫర్ కమ్ డైరెక్టర్ రాఘవ లారెన్స్ దర్శకత్వంలో, జె.భగవాన్, జె.పుల్లారావు సంయుక్తంగా నిర్మిస్తున్న చిత్రం "రెబెల్". ఈ ప్రభాస్ "రెబెల్" సినిమా స్క్రిప్ట్ చూసిన హీరో ప్రభాస్ తన అభిమానులు తననుంచి ఏం కోరుకుంటున్నారో గమనించి ఆ పద్ధతి ప్రకారం ఆ స్క్రిప్ట్ లో మార్పులనూ, చేర్పులనూ దర్శకుడు రాఘవ లారెన్స్ కు సూచించారట.

 

హీరో ప్రభాస్ చెప్పిన పద్ధతిలో స్క్రిప్ట్ తయారుచేసిన రాఘవ లారెన్స్ ఈ సినిమాని ప్రారంభించటం, హైదరాబాద్, వైజాగ్, బ్యాంకాక్ లలో ఈ సినిమా షూటింగ్ జరపటం జరిగింది. ప్రస్తుతం ప్రభాస్ "రెబెల్" సినిమా షూటింగ్ హైదరాబాద్ పరిసర ప్రాంతాల్లోనే జరుగుతూంది.ఈ ప్రభాస్ "రెబెల్" సినిమాకి రామ్ ప్రసాద్ సినిమాటోగ్రఫీ నిర్వహిస్తూండగా, యస్ యస్ థమన్ సంగీతాన్ని అందిస్తున్నారు. మార్తాండ్ .కె. వెంకటేష్ ఈ ప్రభాస్ "రెబెల్" చిత్రానికి ఎడిటర్ గా వ్యవహరిస్తున్నారు. ప్రభాస్ "రెబెల్"సినిమాని క్రిస్ మస్ కానుకగా డిసెంబర్ లో విడుదల చేస్తారు.