English | Telugu
ప్రిన్స్ మహేష్ బాబుపై ఐ.టి.దాడి
Updated : Dec 9, 2011
ప్రముఖ తెలుగు టాప్ హీరో ప్రిన్స్ మహేష్ బాబుపై ఐ.టి.దాడి జరిగిందట. డిసెంబర్ 8 వ తేదీన, సాయంత్రం ఫిలిం నగర్ లోని మహేష్ బాబు స్వగృహంలో ఆదాయపు పన్ను శాఖ అధికారులు దాడి జరిపారట. ఈ దాడి జరగటానికి కారణం "దూకుడు" ఫంక్షన్ లో ఆ చిత్ర నిర్మాతలు "దూకుడు వంద కోట్లు వసూలు చేసిందని ప్రకటించటం ఒక కారణమైతే ఆ సినిమాకి మహేష్ బాబు పారితోషికం పది కోట్లన్న వదంతి మరో కారణంగా తెలుస్తుంది.
అంతే కాకుండా "బిజినెస్ మ్యాన్" చిత్రానికి పన్నెండు కోట్లు పారితోషికంగా తీసుకున్నాడన్న వార్త కూడా దీనికి ముఖ్యకారణంగా తెలుస్తుంది.మరి ఈ దాడిలో ఐ.టి.శాఖ అధికారులు ఏ మేరకు సఫలీకృతులయ్యారో తెలియరాలేదు. గతంలో "దూకుడు" చిత్ర నిర్మాతల ఇళ్ళపైనా, ఆఫీసు పైనా ఐ.టి.శాఖ దాడి జరిపిన సంగతి ప్రేక్షకులకు తెలిసిందే.