తాజాగా పవన్ కళ్యాణ్ నటిస్తున్న చిత్రం పూజా కార్యక్రమాలు జరిగాయి. సాహో దర్శకుడు సుజిత్ దర్శకత్వంలో డివివి దానయ్య నిర్మాతగా ఈ చిత్రం ప్రారంభమైంది. దీనికి ఓజి అనే ఇంట్రెస్టింగ్ టైటిల్ను పెట్టారు ఓ జి అంటే ఒరిజినల్ గ్యాంగ్ స్ట‌ర్. ఇక ఈ చిత్రం రెండు భాగాలుగా రూపొంద‌నుంద‌ని సమాచారం. ఈ సినిమాలో పాటలు ఫైట్లు ఉండవట. అయినా ఇది ఒక గ్యాంగ్ స్ట‌ర్ చిత్రం కావడం విశేషం. మొదటి భాగాన్ని అక్టోబర్ 23న దసరా కానుకగా విడుదల చేస్తారని ప్రచారం సాగుతోంది. తమన్ సంగీతం అందిస్తున్నారు. కాగా ఈ చిత్రంలో అల్లు అరవింద్ కూడా భాగస్వామి అని ఇండస్ట్రీ వర్గాలలో వినిపిస్తోంది. ఆయన వెనుక నుంచి సైలెంట్ గా ఫైనాన్స్ చేస్తున్నారనే ఊహాగానాలు వస్తున్నాయి. ఈ చిత్రాన్ని అల్లు స్టూడియోస్ లో చిత్రీక‌రించ‌నున్నార‌ట‌. ఇక ఈ సినిమా రిలీజ్ కు సంబంధించిన పనులు కూడా అల్లు అరవింద్ స్వయంగా చూసుకోబోతున్నారని అంటున్నారు.

ఈ చిత్రంలోని ప్రతి విషయంలోనూ అల్లు అరవింద్ హస్తం ఉందని టాలీవుడ్ మీడియా అంటుంది. అందులో నిజం ఏంటో తెలియదు గానీ ప్రస్తుత మాత్రం ఈ ప్రచారం ఊపందుకొంది. సాహో తర్వాత దాదాపు నాలుగు ఏళ్ల విరామం తీసుకుని సుజిత్ ఈ కథను సిద్ధం చేశారు. పైగా అతను పవనుకు వీరాభిమాని కావడంతో ఈ సినిమా ఏ లెవెల్ లో ఉంటుందా అని అభిమానులు అందరూ భారీ అంచనాలు పెట్టుకుని ఉన్నారు. ఇందులో అల్లు అర‌వింద్ భాగ‌స్వామి కావ‌డంతోనే ప‌వ‌న్ ఉస్తాద్ భ‌గ‌త్ సింగ్, వినోదాయ‌సిత్తం రీమేక్ల‌ను కాద‌ని ముందుగా ఈ చిత్రాన్ని సెట్స్ పైకి తీసుకెళ్లాడ‌ని అంటున్నారు. అయితే పవన్ చిత్రంలో పాటలు ఫైట్స్ లేకుండా ఉంటే వాటిని ప్రేక్షకులు, అభిమానులు ఏ విధంగా స్వీకరిస్తారు? అనేది పలు అనుమానాలకు తావిస్తోంది. మరి మొత్తానికి సుజిత్ పవన్‌తో ఎలాంటి చిత్రం చేయనున్నాడు అనేది OG తో తేలిపోనుంది. ఈ సినిమాకి పంజా, సాహో చిత్రాల లాగా కాకుండా కేజిఎఫ్, పఠాన్ లాంటి ఫలితం దక్కాలని అభిమానులు ఆశిస్తున్నారు. ఇంత వ‌ర‌కు ఎవ్వ‌రు చూడ‌ని రీతిలో ఈ చిత్రం క్లైమాక్స్ టెర్రిఫిక్ గా ఉంటుంద‌ని స‌మాచారం.