రాజమౌళి మూవీలో సెకెండ్ హీరోగా నితిన్ సెకెండ్ హీరోగా నటించనున్నాడని విశ్వసనీయవర్గాల ద్వారా అందిన సమాచారం. వివరాల్లోకి వెళితే అలుపెరుగని పోరాట యోధుడు గజని మహమ్మద్ లా యువ హీరో ఎన్ని ఫ్లాపులొచ్చినా ఓపిగ్గా హిట్ కోసం ఎదురుచూస్తూనే ఉన్నాడు. కానీ అతని సినీ కెరీర్ లో హిట్ అనే మాట వినపడి సంవత్సరాలైంది. పవర్ స్టార్ పవన్ కళ్యాణ్ కి హార్డ్ కోర్ ఫ్యాన్ అయిన నితిన్ అతని సినిమాల్లో నటించటానికి తెగ ప్రయత్నం చేస్తుంటాడట.

పవన్ కళ్యాణ్ "గబ్బర్ సింగ్" సినిమాలో కూడా వేషం కోసం ప్రయత్నిస్తే ఆ క్యారెక్టర్ కాస్తా అడవి శేషుకి వెళ్ళిపోయింది. అలాంటి స్థితిలో ఉన్న నితిన్ కి రాజమౌళి సినిమాలో సెకెండ్ హీరో వేషం అనగానే ఎగిరి గంతేశాడు. ఈ సినిమాలో మెయిన్ హీరోగా యంగ్ రెబెల్ స్టార్ ప్రభాస్ నటిస్తున్నాడు. భారీ గ్రాఫిక్స్ తో కూడిన ఈ జానపద చిత్రం సుమారు 100 కోట్ల రూపాయల అత్యంత భారీ బడ్జెట్ తో దర్శకేంద్రుడు కె.రాఘవేంద్రరావు, శోభు యార్లగడ్డ తదితరులు నిర్మిస్తున్న ఈ చిత్రం ఈ సంవత్సరం నవంబర్ లో ప్రారంభం కానుంది. బహుశా తెలుగు సినీ చరిత్రలో ఇంత భారీ బడ్జెట్ సినిమా ఇంతవరకూ రాలేదు.