English | Telugu
1980 బ్యాక్ డ్రాప్ లో మాస్ మహారాజు చిత్రం!
Updated : Sep 6, 2023
సన్ రైజ్ ఎంటర్టైన్మెంట్ బ్యానర్ పై స్వాతి రాజు నిర్మిస్తున్న సినిమా 'మాస్ మహారాజు'. రాజ్ తరుణ్, సందీప్ మాధవ్ హీరోలుగా నటిస్తున్న ఈ సినిమాకు సి.హెచ్.సుధీర్ రాజు దర్శకత్వం వహిస్తున్నారు.
మణిశర్మ సంగీతం అందిస్తున్న ఈ సినిమా చిత్రీకరణ చివరి షెడ్యుల్ జరుపుకుంటుంది. గదర్ 2 భామ సిమ్రత్ కౌర్, బిచ్చగాడు ఫేమ్ సట్నా టైటస్, సంపద హీరోయిన్స్ గా నటిస్తున్న ఈ సినిమాలో రాజా రవీంద్ర, రవి శంకర్, షఫీ, శివరామరాజు వెంకట్, సత్యం రాజేష్, ధనరాజ్, రచ్చ రవి, ఐశ్వర్య ముఖ్య పాత్రలు పోషిస్తున్నారు.
రాజ్ తరుణ్, సందీప్ మాధవ్ చాలా డిఫరెంట్ లుక్స్ లో ఈ మూవీలో కనిపించబోతున్నారు. 1980 బ్యాక్ డ్రాప్ లో రాబోతున్న ఈ సినిమాలో యాక్షన్ తో పాటు ఫ్యామిలీ ఎలిమెంట్స్ ఉండబోతున్నాయి. త్వరలో విడుదల తేదీని ప్రకటించబోతున్నట్లు చిత్ర యూనిట్ తెలిపింది.