English | Telugu
మహేష్ కిడ్నాప్కి మహేష్ పర్మిషన్
Updated : Jul 17, 2014
టాలీవుడ్ లో ఈ మధ్య ప్రయోగాత్మక చిత్రాల ఒరవడి కొంత పెరిగిన క్రమంలో రూపొందుతున్న చిత్రం ‘సూపర్ స్టార్ కిడ్నాప్’. సూపర్ స్టార్ మహేష్ బాబుని కిడ్నాప్ చేసే అంశంతో రూపొందుతున్న ఈ చిత్రానికి విచిత్రమైన ఇబ్బంది ఎదురవుతోంది. ఈ సినిమా సెన్సార్ కార్యక్రమాల్లో వుంది. సినిమా అంతా సజావుగా పూర్తి చేసుకున్న వీరికి సెన్సార్ కత్తిరింపుల బెడద వల్ల ఏదైనా ఇబ్బంది వచ్చి వుంటే సినిమా యూనిట్ సర్దుకునేది. కానీ సెన్సార్ వారు మహేష్ బాబు కిడ్నాప్ చుట్టూ అల్లుకున్న ఈ కథకి మహేష్ పర్మిషన్ వుందా అని అడిగారట. ఊహించని ఈ ప్రశ్నకి సినిమా రూపకర్తలు తెల్లమొహం వేశారట. ప్రిన్స్ అనుమతి కోసం ప్రయత్నిస్తున్నట్లు సమాచారం. ఇలా మహేష్ కిడ్నాప్ అంశంతో రూపొందుతున్న చిత్రానికి మహేష్ పర్మిషన్ లేకపోవటం ఇప్పడు అడ్డంకిగా మారింది.
కొత్త దర్శకుడు సుశాంత్ రెడ్డి రూపొందిస్తున్న ఈ చిత్రంలో నందు, తేజస్విని, వెన్నెల కిషోర్, శ్రద్ధా దాస్, పూనమ్ కౌర్ తదితరులు నటిస్తున్నారు.