English | Telugu
నిర్మాత సి.కళ్యాణ్ అరెస్ట్
Updated : Jun 29, 2011
నిర్మాత సి.కళ్యాణ్ అరెస్ట్ అయ్యారు. వివరాల్లోకి వెళితే ప్రముఖ నిర్మాత, బాలాజీ కలర్ ల్యాబ్ అధినేత సి.కళ్యాణ్ ని చెన్నైలో, ఒక గెస్ట్ హౌస్ లో సి.ఐ.డి. పోలీసులు అరెస్ట్ చేశారు. అరెస్ట్ చేసిన అనంతరం సి.కళ్యాణ్ ని విచారణ నిమిత్తం హైదరాబాద్ కి తీసుకు వచ్చారు. సి.కళ్యాణ్ మీద వైజయంతీ రెడ్డికి, షాలిమార్ వీడియోస్ కీ డబ్బులు ఎగ్గొట్టిన కేసుల్లోనూ, అలాగే మద్దులచెరువు సూరి, భాను కిరణ్ ల పేర్లు చెప్పి కొందరిని బెదిరించిన కేసులోనూ ఆయన్ని అరెస్ట్ చేశారు. సి.కళ్యాణ్ కి తనను అరెస్ట్ చేస్తారన్న సంగతి ముందే ఉహించి ముందస్తు బెయిల్ కోసం నాంపల్లి కోర్టులో దరఖాస్తు చేశారు.
అంతే కాక భాను కిరణ్ ఆస్తులన్నీ బినామీ పేర్లతో సి.కళ్యాణ్ అధీనంలోనే ఉన్నాయనీ, ఇప్పటికీ భానుకిరణ్ తో సి.కళ్యాణ్ కామటాక్ట్ లోనే ఉన్నాడనీ పోలీసులు నమ్ముతున్నారు. దానికి తగ్గట్టే పెద్ద మొత్తంలో ఖాళీ చెక్కులు సి.కళ్యాణ్ వద్ద పోలీసులకు లభించాయట. గతంలో సి సి యస్ పోలీసులు సి.కళ్యాణ్ ని పోలీస్ స్టేషన్ కి పిలిచి విచారించినప్పుడు తనకే పాపం తెలియదన్ననిర్మాత సి.కళ్యాణ్ మీడియాకి ఇప్పుడేమని సమాధానం చెపుతారో మరి.