పాన్ ఇండియా స్టార్ ప్రభాస్(prabhas)నటించిన 'ఆదిపురుష్' గత సంవత్సరంప్రేక్షకుల ముందుకు వచ్చిన విషయం తెలిసిందే.రాముడిగా ప్రభాస్ నటించిన తీరుకి ప్రేక్షకుల నుంచి మంచి మార్కులే పడ్డాయి.ఈ మూవీని ప్రముఖ బాలీవుడ్ నిర్మాత, టి సిరిస్ అధినేత భూషణ్ కుమార్ అత్యంత భారీ వ్యయంతో నిర్మించాడు. వంద కి పైగా చిత్రాలని నిర్మించిన ఆయన రీసెంట్ గా యానిమల్,భూల్ బులయ్య పార్ట్ 3 తో కూడా మంచి విజయాన్ని అందుకున్నాడు.

భూషణ్ కుమార్ రీసెంట్ గా ప్రభాస్ అప్ కమింగ్ మూవీ రాజా సాబ్(raja saab)గురించి మాట్లాడుతు నేను రాజా సాబ్ మూవీలోని కొన్ని విజువల్స్ చూసాను.వాటిని చూస్తుంటే హాలీవుడ్ మూవీ 'హ్యారీ పోటర్' రేంజ్ లో ఉన్నాయని చెప్పుకొచ్చాడు.దీంతో ఇప్పుడు ఈ మాటలు సోషల్ మీడియాలో వైరల్ అవ్వడమే కాకుండా రాజా సాబ్ రేంజ్ కూడా ఊహకి అందని విధంగా ఉంది.ఇక ప్రభాస్ ఫ్యాన్స్ గురించి అయితే చెప్పక్కర్లేదు,భూషణ్ కుమార్ కామెంట్స్ ని నెట్టింట షేర్ చేస్తూ తమ ఆనందాన్ని వ్యక్తం చేస్తున్నారు.రాజా సాబ్ మేకర్స్ మొదటి నుంచి కూడా మా మూవీలో విఎఫ్ఎక్స్ వర్క్ ఒక రేంజ్ లో ఉంటాయని చెప్తున్న విషయం తెలిసిందే.

సాలిడ్ హర్రర్ ఎంటర్టైనర్ గా తెరకెక్కుతున్నరాజాసాబ్ షూటింగ్ ప్రస్తుతం శరవేగంగా జరుగుతుంది.వచ్చే ఏడాది ఏప్రిల్ పది న విడుదల కాబోతుందని మేకర్స్ అధికార ప్రకటన కూడా ఇచ్చేసారు.ప్రభాస్ బర్త్ డే సందర్భంగా కూడా మోషన్ టీజర్ రిలీజ్ అయ్యి మూవీ మీద అంచనాలని పెంచేసింది. మారుతి(maruthi)దర్శకత్వంలో వస్తున్న ఈ మూవీని పీపుల్ మీడియా ఫ్యాక్టరీ పతాకంపై టి జె విశ్వ ప్రసాద్(tj viswaprasad)నిర్మిస్తుండగా నిది అగర్వాల్, మాళవిక మోహన్ హీరోయిన్స్ గా చేస్తున్నారు.