అన్నపూర్ణవారి ఫిల్మ్ మీడియా స్కూల్ ప్రారంభమయ్యింది. వివరాల్లోకి వెళితే సినీ పరిశ్రమకు వచ్చిన కొత్తలో అనుభవం లేక, మంచీ చెడూ వివరం చెప్పేవారు లేక తానెంతగా ఇబ్బందులు పడ్డారో నటసామ్రాట్, పద్మవిభూషణ్, డాక్టర్ అక్కినేని నాగేశ్వరరావు గారికి బాగా తెలుసు. ఈ ఇబ్బందులు ఇంకెవరూ పడకుండా ఏదైనా చేయాలన్న ఆలోచనలోంచి పుట్టిందే ఈ అన్నపూర్ణవారి ఫిల్మ్ మీడియా స్కూల్. ఈ అన్నపూర్ణవారి ఫిల్మ్ మీడియా స్కూల్ లో సినీ పరిశ్రమకు సంబంధించి 24 క్రాఫ్టుల్లోనూ శిక్షణనిస్తారు.

ఈ కోర్సులు ఒక నెలరోజుల్లో ప్రారంభమవనున్నాయి. అన్నపూర్ణవారి ఫిల్మ్ మీడియా స్కూల్ ప్రతిఫలాపేక్ష లేకుండా సేవే ధ్యేయంగా సాగే శిక్షణాలయం. త్వరలో ఈ అన్నపూర్ణవారి ఫిల్మ్ మీడియా స్కూల్ లో డిగ్రీ కోర్సుని కూడా ప్రవేశపెడతారట. సినీపరిశ్రమలోని అనుభవజ్ఞులైన ప్రముఖులందరూ ఈ అన్నపూర్ణవారి ఫిల్మ్ మీడియా స్కూల్ లోని విద్యార్థినీ, విద్యార్థులకు తమ అనుభవాలను తెలియజేస్తారట.