తన కుమారుడు రామ్ చరణ్ లవ్ మ్యారేజ్ చేసుకుంటాడని, తనకు కోడలని వెతికే అవకాశం చరణ్ ఇవ్వడని మెగాస్టార్ ‍, పద్మభూషణ్, డాక్టర్ చిరంజీవి అన్నారు. అల్లు అర్జున్, స్నేహారెడ్డిల మ్యారేజ్ రిసెప్షన్ కి హాజరైన అశేష అభిమానుల అడిగి మీదట మెగాస్టార్ చిరంజీవి పై విధంగా స్పందించారు. దానికన్నా ముందు రామ్ చరణ్ ని "మీ పెళ్ళెప్పుడు...? మీది ప్రేమ వివాహమా...? పెద్దలు కుదిర్చే వివాహమా...?" అని అభిమానులు అడిగారు. దానికి బదులుగా రామ్ చరణ్ "నాన్న గారు ఎవరిని చేసుకోమంటే ఆ అమ్మాయిని చేసుకుంటాను. అంటే పెద్దలు కుదిర్చే సంబంధమే చేసుకుంటాను" అని నవ్వుతూ అన్నాడు.

దానికి కౌంటర్ గా చిరంజీవి సమాధానం ఇస్తూ "చరణ్‍ నేను సంబంధం చూసి చేసే దాకా ఆగుతాడని నేననుకోను. తనకు నచ్చిన అమ్మాయిని ఎంచక్కా ప్రేమించి పెళ్ళిచేసుకుంటాడు. అంతే కాదు నాకు కోడలిని వెతుక్కునే శ్రమ కూడా తగ్గిస్తాడు" అని అభిమానుల హర్షధ్వానాల, కేరింతల మధ్య అన్నారు. అల్లు అర్జున్, స్నేహారెడ్డిల మ్యారేజ్ రిసెప్షన్ లో రామ్ చరణ్ లవ్ మ్యారేజ్‍ చేసుకుంటాడని చిరంజీవి అనటం ప్రత్యేకతను సంతరించుకుంది. మెగాస్టార్ అభిమానులంతా ఈ లవ్ మ్యారేజ్‍ విషయం గురించే చర్చించుకోవటం కనిపించింది.