ఏప్రెల్ 12 న సిద్ధార్థ 180 మూవీ ఆడియో రిలీజ్ చేయబడుతుందని ఫిలిం నగర్ వర్గాల ద్వారా అందిన సమాచారం. వివరాల్లోకి వెళితే సిద్ధార్థ హీరోగా, నిత్యా మీనన్, ప్రియా ఆనంద్ హీరోయిన్లుగా, యాడ్ ఫిలిం మేకర్ జయంత్ దర్శకత్వంలో నిర్మించబడుతున్న చిత్రం"180". ఈ చిత్రానికి దర్శకత్వం వహిస్తున్న జయంత్ పూర్వాశ్రమంలో కొన్ని వందల యాడ్ చిత్రాలకు దర్శకత్వం వహించారు. ఈ "180" చిత్రానికి ఫేంటమ్ ఫ్లెక్స్ కెమెరాని ఉపయోగిస్తున్నారు.

ఈ కెమెరాతో మైక్రో సెకండ్ లో కనిపించే భావాలను కూడా చాలా క్లియర్ గా చిత్రీకరించవచ్చు. ఈ కెమెరాని తొలిసారిగా ఈ చిత్రంలోనే ఉపయోగించటం విశేషం. ఈ చిత్రం యొక్క ఆడియోని ఏప్రెల్ 12 వ తేదీన మార్కెట్ లోకి రిలీజ్ చేయటానికి సన్నాహాలు చేస్తున్నారట. ఒక విభిన్నమైన కథతో నిర్మిస్తున్న ఈ చిత్రాన్ని మాత్రం వేసవి కాలంలో "మే" నెలలో విడుదల చేయనున్నారు.