English | Telugu
నాగచైతన్య, తమన్నాల 100% లవ్ రేపే సెన్సార్
Updated : Apr 26, 2011
నాగచైతన్య, తమన్నాల "100% లవ్" రేపే సెన్సార్ కానుందని ఫిలిం నగర్ వర్గాలంటున్నాయి. వివరాల్లోకి వెళితే గీతాఆర్ట్స్ పతాకంపై, యువ హీరో నాగచైతన్య హీరోగా, మిల్కీ వైట్ బ్యూటీ తమన్నా హీరోయిన్ గా, లెక్కల పంతులు సుకుమార్ దర్శకత్వంలో, బన్నీ వాసు నిర్మించిన చిత్రం "100% లవ్". ఈ చిత్రం రేపు అంటే ఏప్రెల్ 27 వ తేదీన సెన్సారు కార్యక్రమాలు జరుపుకోనుందని విశ్వసనీయ వర్గాల ద్వారా అందిన సమాచారం.
ఈ చిత్రం ముందుగా అనుకున్న ప్రకారం ఏప్రెల్ 29 వ తేదీన ప్రేక్షకుల ముందుకు రావలసింది. కానీ అదే రోజున రానా, ఇలియానా జంటగా నటిస్తున్న "నేను-నా రాక్షసి" చిత్రం కూడా విడుదలవుతుండటంతో, ఈ "100% లవ్" చిత్రాన్ని వాయిదా వేశారు. నాగచైతన్య, తమన్నాల "100% లవ్" చిత్రాన్ని"మే" నెలలో ఆరవ తేదీన విడుదల చేయటానికి ఈ చిత్ర నిర్మాత సన్నాహాలు చేస్తున్నారు. ఇప్పటికే విడుదలైన ఈ "100% లవ్" చిత్రం ఆడియో ప్రేక్షకుల ఆదరణతో ఘనవిజయం సాధించింది. "100% లవ్" చిత్రానికి దేవీ శ్రీ ప్రసాద్ సంగీతాన్ని అందించారు. ఈ చిత్రంలో నటి కలర్స్ స్వాతి ఒక పాట పాడటం విశేషం.