"బొబ్బిలి బ్రహ్మన్న" మీద ప్రభాస్ కన్నుపడిందని విశ్వసనీయవర్గాలద్వారా అందిన సమాచరం. వివరాల్లోకి వెళితే 1984లో గోపీకృష్ణా మూవీస్ పతాకంపై, రెబెల్ స్టార్ కృష్ణం రాజు ద్విపాత్రాభినయం పోషించగా, దర్శకేంద్రుడు కె.రాఘవేంద్రరావు దర్శకత్వంలో నిర్మించబడిన బ్లాక్ బస్టర్ హిట్ చిత్రం "బొబ్బిలి బ్రహ్మన్న". ఈ "బొబ్బిలి బ్రహ్మన్న" చిత్రాన్ని రీమేక్ చేయాలని యంగ్ రెబెల్ స్టార్ ప్రభాస్ ఆలోచిస్తున్నాడట.

కృష్ణం రాజు ఒక ముఖ్యపాత్రలో నటించే విధంగా, తాను హీరోగా నటిస్తూ ఈ "బొబ్బిలి బ్రహ్మన్న" చిత్రాన్ని రీమేక్ చేయాలని యంగ్ రెబెల్ స్టార్ ఆలోచిస్తూ, ఆ దిశగా ప్రయత్నాలు ప్రారంభించాడట. ఈ "బొబ్బిలి బ్రహ్మన్న" చిత్రం రీమేక్ కోసం రిలయన్స్ గ్రూప్ తో టై అప్ అయ్యే ఆలోచన కూడా ఉందట. అదే జరిగితే ఎవరి దర్శకత్వంలో ఈ చిత్రాన్ని తీస్తారో ఇంకా తెలియదు. మళ్ళీ రాఘవేంద్రరావు దర్శకత్వంలో తీస్తారా...? లేక ప్రస్తుతం ఉన్న దర్శకులతో తీస్తారా అన్న విషయం త్వరలోనే తెలుస్తుంది.