"ఇష్క్", "గుండె జారి గల్లంతయ్యిందే" చిత్రాల తరువాత నితిన్ హీరోగా నటిస్తున్న చిత్రాలు "కొరియర్ బాయ్ కళ్యాణ్", "హార్ట్ ఎటాక్". "కొరియర్ బాయ్ కళ్యాణ్" చిత్రంలో నితిన్ సరసన యామి గౌతమి హీరోయిన్ గా నటిస్తుంది. ఈ చిత్ర షూటింగ్ దాదాపు తుది దశకు చేరుకుంది. ఈ చిత్ర మిగత కార్యక్రమాలు పూర్తి చేసుకొని, త్వరలోనే ప్రేక్షకుల ముందుకు తీసుకురావడానికి సన్నాహాలు చేస్తున్నారు. అదే విధంగా నితిన్ నటిస్తున్న మరో చిత్రం "హార్ట్ ఎటాక్". పూరి జగన్నాథ్ దర్శకత్వంలో తెరకెక్కుతున్న ఈ చిత్రంలో ఆదా శర్మ హీరోయిన్ గా నటిస్తుంది. అయితే ఇటీవలే ఈ చిత్రంలో నిత్యామీనన్ కూడా తీసుకున్నట్లు తెలిసింది.

తన గత రెండు చిత్రాలు కూడా నిత్యా ఉండడం వల్లే విజయం సాధించాయని భావిస్తున్న నితిన్... "హార్ట్ ఎటాక్" చిత్రంలో దర్శకుడు పూరిని ఒప్పించి మరీ నిత్యాను సినిమాలో తీసుకున్నాడట. ఒకవేళ ఇదే నిజమై ఈ సినిమా హిట్టయితే ఆ క్రెడిట్ అంతా కూడా నిత్యాకే వెళ్ళిపోతుంది. ఒకవేళ నితిన్ నమ్మకమే కరెక్ట్ అయితే మరి తన మరో చిత్రం "కొరియర్ బాయ్ కళ్యాణ్" ఫ్లాప్ అవుతుందా? ఈ ప్రశ్నకు సమాధానం కావాలంటే ఈ రెండు చిత్రాలు విడుదలయ్యేవరకు వేచి చూడాల్సిందే.