English | Telugu
జాన్వీ కపూర్ హారర్ మూవీ.. రిలీజ్ కి రెడీ!
Updated : Feb 16, 2021
శ్రీదేవి తనయ జాన్వీ కపూర్ నటించిన ఫస్ట్ హారర్ మూవీ.. రూహీ. రాజ్ కుమార్ రావ్ కథానాయకుడిగా నటించిన ఈ సినిమాని హార్థిక్ మెహతా తెరకెక్కించారు. దినేష్ విజన్ నిర్మించిన ఈ చిత్రం.. నిర్మాణం పూర్తిచేసుకుని చాన్నాళ్ళే అయింది. అయితే కరోనా కారణంగా విడుదల వాయిదా పడుతూ వచ్చింది. ఎట్టకేలకు ఈ క్రేజీ ప్రాజెక్ట్ రిలీజ్ కి రెడీ అయింది. మహా శివరాత్రి కానుకగా మార్చి 11న ఈ హారర్ మూవీ థియేటర్స్ లో సందడి చేయనుంది. మరి.. ఈ జాన్వికి రూహీ ఎలాంటి గుర్తింపుని తీసుకువస్తుందో చూడాలి.
కాగా ధడక్, గుంజన్ సక్సెనా చిత్రాలతో నటిగా మంచి గుర్తింపు తెచ్చుకున్న జాన్వీ కపూర్.. ప్రస్తుతం గుడ్ లక్ జెర్రీ అనే సినిమాలో నటిస్తోంది. లేడీ సూపర్ స్టార్ నయనతార నటించిన తమిళ చిత్రం కొలమావు కోకిలకి రీమేక్ గా ఈ సినిమా తెరకెక్కుతోంది. ప్రముఖ దర్శకుడు ఆనంద్ ఎల్. రాయ్ గుడ్ లక్ జెర్రీని నిర్మిస్తుండడం విశేషం. అలాగే దోస్తానాకి సీక్వెల్ గా రూపొందుతున్న దోస్తానా 2 లోనూ జాన్వీ నాయికగా నటిస్తోంది.