`ఏక్ థా టైగ‌ర్` (2012), `టైగ‌ర్ జిందా హై` (2017) త‌రువాత `టైగ‌ర్` ఫ్రాంచైజీలో మూడో సినిమా చేస్తున్నాడు బాలీవుడ్ కండ‌ల వీరుడు స‌ల్మాన్ ఖాన్. ఆ రెండు సినిమాల్లోనూ క‌థానాయిక‌గా న‌టించిన క‌త్రినా కైఫ్ నే `టైగ‌ర్ 3`లోనూ కొన‌సాగుతోంది. ఇమ్రాన్ హ‌ష్మి ఓ కీల‌క పాత్ర‌లో ద‌ర్శ‌న‌మివ్వ‌నున్న ఈ క్రేజీ ప్రాజెక్ట్ కి మ‌నీశ్ శ‌ర్మ ద‌ర్శ‌క‌త్వం వ‌హిస్తున్నాడు. ప్ర‌ముఖ నిర్మాణ సంస్థ య‌శ్ రాజ్ ఫిల్మ్స్  ఈ మూవీని నిర్మిస్తోంది.

ఇదిలా ఉంటే.. `టైగ‌ర్ 3`కి ప్ర‌ముఖ బాలీవుడ్ కంపోజ‌ర్ ప్రీత‌మ్ స్వ‌రాలందించ‌నున్నాడ‌ని స‌మాచారం. ఇంత‌కుముందు స‌ల్మాన్ హీరోగా రూపొందిన `రెడీ` (2011), `బాడీగార్డ్` (2011) (సింగిల్ సాంగ్), `బ‌జ‌రంగి భాయ్ జాన్` (2015) చిత్రాల‌కు ప్రీతమ్ బాణీలు స‌మ‌కూర్చారు. సుదీర్ఘ విరామం త‌రువాత `టైగ‌ర్ 3`కి ప్రీతమ్ సంగీత‌మందించ‌నుండ‌డం వార్త‌ల్లో నిలుస్తోంది. మ‌రి.. స‌ల్మాన్ కి అచ్చొచ్చిన స్వ‌ర‌క‌ర్త‌గా పేరు తెచ్చుకున్న ప్రీతమ్.. `టైగ‌ర్ 3`తోనూ విజ‌య‌ప‌రంప‌ర‌ని కొన‌సాగిస్తాడేమో చూడాలి.

కాగా, స‌ల్మాన్ ఖాన్ తాజా చిత్రం `రాధే`.. రంజాన్ కానుక‌గా మే 13న థియేట‌ర్స్ లో సంద‌డి చేయ‌నుంది.  ప్ర‌భుదేవా ద‌ర్శ‌క‌త్వం వ‌హించిన ఈ సినిమాపై భారీ అంచ‌నాలే ఉన్నాయి.