బుల్లితెర గ్లామ‌ర్ క్వీన్ శ్రీ‌ముఖి. యాంక‌ర్‌గా ఈ బొద్దుగుమ్మ‌కున్న క్రేజ్ గురించి ప్ర‌త్యేకంగా చెప్పాల్సిన ప‌నిలేదు. ఏ ప్రోగ్రామ్ చేసినా.. ఫొటో షూట్‌ల‌తో అద‌ర‌గొట్టినా శ్రీ‌ముఖి త‌న‌కు తానే సాటి. బుల్లి తెర రాముల‌మ్మ‌గా పాపులారిటీని ద‌క్కించుకున్న శ్రీ‌ముఖి ఇటీవ‌ల గోవాలో వాట‌ర్ డాల్‌గా మారి, చేసిన ర‌చ్చ అంతా ఇంతా కాదు. త‌డిపొడి డ్రెస్సుల్లో అందాలు ఆర‌బోస్తూ పోజులిచ్చిన ఫొటోలు నెట్టింట ఫ్యాన్స్‌ని ఓ రేంజ్‌లో హీటెక్కిస్తున్నాయి.

ఇదిలా వుంటే "శ్రీ‌ముఖి అక్క‌డా రుబ్బురోలే..ఇక్క‌డా రుబ్బురోలే" అంటూ రోహిణి చేసిన కామెంట్స్ ఇప్ప‌డు వైర‌ల్ గా మారాయి. `బిగ్‌బాస్ ఉత్స‌వం` పేరుతో `స్టార్ మా` బిగ్‌బాస్ కంటెస్టెంట్‌ల‌తో ప్ర‌త్యేక కార్య‌క్ర‌మాన్ని ఇటీవ‌లే ప్రారంభించింది. ముందుగా బిగ్‌బాస్ సీజ‌న్ 4 కంటెస్టెంట్‌లు పాల్గొన‌గా చిత్రీక‌రించిన తొలి ఎసిసోడ్ ని టెలీకాస్ట్ చేశారు. తాజాగా సీజ‌న్‌3కి సంబంధించిన కంటెస్టెంట్‌ల‌తో `బిగ్‌బాస్ ఉత్స‌వం 2`ని టెలికాస్ట్ చేయ‌బోతున్నారు.

దీనికి సంబంధించిన ప్రోమో ఇటీవ‌ల విడుద‌లైంది. ఇందులో రోహిణి యాంక‌ర్ శ్రీ‌ముఖిపై వేసిన పంచ్‌లు న‌వ్వులు పూయిస్తున్నాయి. రీయూనియ‌న్ పేరుతో నిర్వ‌హిస్తున్న ఈ కార్య‌క్ర‌మంలో శ్రీ‌ముఖిని రోహిణి ఓ రేంజ్‌లో ఆడేసుకుంది. రోహిణిని ఉద్దేశిస్తూ "బిగ్‌బాస్ ఇంట్లో చికెన్ రోలా వుండేదానివి.. ఇప్పుడేంటీ రుబ్బురోల్‌లా త‌యార‌య్యావ్?" అని శ్రీ‌ముఖి పంచేసింది. ఈ పంచ్‌కి రోహిణి "నువ్వు మాత్రం అస్స‌లు మార‌లే. అక్క‌డా రుబ్బురోలే ఇక్క‌డా రుబ్బురోలే!" అని రివ‌ర్స్ పంచ్ వేసింది. ఈ పంచ్ వీర‌లెవెల్లో పేలి ఎపిసోడ్‌కే ఫైలైట్‌గా నిలిచింది. ఈ ఎపిసోడ్ వ‌చ్చే ఆదివారం టెలీకాస్ట్ కానుంది.