English | Telugu
టాప్లో 'కార్తీక దీపం'.. నెక్స్ట్ ఏ సీరియల్?
Updated : May 14, 2021
తెలుగు టెలివిజన్ రంగంలో డైలీ సీరియల్స్ మధ్య రసవత్తరమైన పోటీ జరుగుతోంది. ప్రముఖ ఛానెల్ స్టార్ మా లో ప్రసారమయ్యే 'కార్తీక దీపం', 'గృహలక్ష్మీ', 'వదినమ్మ', 'దేవత', 'జానకి కలగనలేదు', 'గుప్పెడంత మనసు' వంటి సీరియల్స్ ప్రేక్షకులను విశేషంగా ఆకట్టుకుంటున్నాయి. ప్రేక్షకులకు వినోదం పంచుతున్న ఈ సీరియల్స్ కి సంబంధించిన రేటింగ్స్ ఇప్పుడు బయటకొచ్చాయి. బుల్లితెరపై ఆకట్టుకుంటున్న సీరియల్స్ కి సంబంధించి టాప్ 5 రేటింగులువిషయానికొస్తే .. 'దేవత' సీరియల్ ఐదో స్థానానికి పడిపోయింది.
గతవారం టీఆర్పీలో 'దేవత' సీరియల్ నాలుగో స్థానంలో ఉండేది. గతంలో 'దేవత' సీరియల్ మూడో స్థానానికి కూడా చేరుకున్న సందర్భాలు ఉన్నాయి. 'దేవత' సీరియల్ కు 'గుప్పెడంత మనసు' సీరియల్ నుండి గట్టిపోటీ ఎదురవుతోంది. ఇక 'జానకి కలగనలేదు' సీరియల్ ప్రస్తుతం టీఆర్పీలో నాల్గో స్థానానికి వెళ్లింది. ఇటీవల మొదలైన ఈ సీరియల్ కి ప్రేక్షకుల నుండి మంచి ఆదరణ లభిస్తోంది.
తాజా రేటింగ్స్ లో 'గుప్పెడంత మనసు' మూడో స్థానాన్ని చేజిక్కించుకుంది. 'గృహాలక్ష్మీ' సీరియల్ రెండో స్థానాన్ని నిలబెట్టుకుంటూ ముందుకు వెళ్తుంది. ఇక ఎప్పటిలానే 'కార్తీకదీపం' భారీ రేటింగ్స్ తో టాప్ గేర్ లో దూసుకుపోతుంది. మలయాళం సీరియల్ 'కరుతముత్తు' ఆధారంగా ఈ సీరియల్ ను తెరకెక్కిస్తున్నారు. ఇందులో నిరుపమ్ పరిటాల, ప్రేమి విశ్వనాథ్ ప్రధాన పాత్రల్లో నటిస్తున్నారు.