ఈ మధ్యకాలంలో చాలా టీవీ షోలను కామెడీ థీమ్‌తో రూపొందిస్తున్నారు. యాంకర్ సుమ హోస్ట్ చేసే వీడియోల్లో కామెడీ ఏ రేంజ్‌లో ఉంటుందో చెప్పనక్కర్లేదు. ఆమె యాంకరింగ్ చేస్తోన్న 'క్యాష్' షోకి మంచి రేటింగ్స్ వస్తుంటాయి. తాజాగా ఈ షోకి సంబంధించిన ప్రోమోను విడుదల చేశారు. జూలై 3న ప్రసారం కాబోతున్న ఈ ఎపిసోడ్ ప్రోమో అందరినీ ఆకట్టుకుంటోంది. 

ఈ షోకి యాంకర్ అనసూయ, సీనియర్ హీరోయిన్ ఇంద్రజ, నటులు ప్రియదర్శి, అభినవ్ గోమటం గెస్ట్ లుగా వచ్చారు. వీరంతా తమదైన స్టైల్‌లో పంచ్‌లు విసురుతూ రచ్చ చేశారు. "ఎవరైనా సరే లాక్ డౌన్ లో లావు అవుతారు లేదా సన్నగా అవుతారు.. నువ్వేంటి ఇంకా పొడుగయ్యావ్?" అంటూ అనసూయపై పంచ్ వేసింది సుమ. "నేనింకా పెరుగుతున్నానా!" అని ఆనంద‌ప‌డింది అన‌సూయ‌

ఆ తరువాత మాటల మధ్యలో "ఇంద్ర‌జ‌తో అయ్యో ఎంత మ‌ర్యాదండీ మీకు.. ఇక్కడ ఎవరికీ లేదు." అని సుమ అంటుండగా.. వెంటనే అనసూయ "అక్కా.. ఏం మాట్లాడుతున్నారు.. నాకు రెస్పెక్ట్ లేదా" అంటూ సుమ కాళ్లు పట్టుకోబోయింది... "నువ్వు అంత వంగకు ప్లీజ్‌" అంటూ అనసూయ పొట్టి డ్రెస్‌ను చూస్తూ కామెంట్ చేసింది సుమ.  దాంతో అవాక్క‌వుతూనే న‌వ్వేసింది అన‌సూయ‌.

అనంతరం అనసూయ "అక్కా నేను ఫుల్ కొట్టినా" అని త‌న పోడియంను కొట్ట‌గా, "ఫుల్ కొట్టావా.. అయ్యా" అని ఆశ్చ‌ర్యం న‌టిస్తూ నోటి మీద చెయ్యేసుకుంది సుమ‌. ఆ తరువాత రైల్వే స్టేషన్ లో పెళ్లిచూపుల కార్యక్రమం చేపట్టి అందరినీ నవ్వించే ప్రయత్నం చేశారు.