'చిత్రం' సినిమాతో హీరోగా కెరీర్ మొదలుపెట్టి హిట్టు మీద హిట్టు అందుకుంటూ స్టార్ హీరో రేంజ్ కి ఎదిగిపోయాడు ఉదయ్ కిరణ్. అతి తక్కువ సమయంలో లవర్ బాయ్ ఇమేజ్ ను సొంతం చేసుకున్నాడు. కెరీర్ లో స్టార్ స్టేటస్ అనుభవించిన ఉదయ్ కిరణ్ ప్రొఫెషనల్ గా ఇబ్బందులు ఎదుర్కోవడంతో 2014 జనవరి 5న ఉరేసుకొని చనిపోయాడు. ఆయన మరణాన్ని అభిమానులు తట్టుకోలేకపోయారు. ఇప్పటికీ ఉదయ్ కిరణ్ కు సంబంధించిన పోస్ట్ లు పెడుతూ ఆయన్ను గుర్తుచేసుకుంటూ ఉంటారు. 

ఇదిలా ఉండగా.. ఈరోజు ఉదయ్ కిరణ్ పుట్టినరోజు సందర్భంగా అభిమానులు, సెలబ్రిటీలు ఆయన్ను తలచుకుంటూ సోషల్ మీడియాలో పోస్ట్ లు పెడుతున్నారు. బిగ్ బాస్ విన్నర్ కౌశల్.. ఉదయ్ కిరణ్ ను తలచుకుంటూ ఎమోషనల్ అయ్యారు. ముందుగా ఉదయ్ కిరణ్ కి పుట్టినరోజు శుభాకాంక్షలు చెప్పిన కౌశల్.. నిన్ను మిస్ అవ్వని క్షణం ఉండదని చెప్పారు. 

నిన్ను ఎప్పటికీ ప్రేమిస్తూనే ఉంటానని.. మనిద్దరం కలిసి ఉన్న రోజులను ఎప్పుడూ గుర్తు చేసుకుంటూనే ఉంటానని చెప్పుకొచ్చారు. తన కెరీర్ లో ఎనిమిది సినిమాలు ఉదయ్ కిరణ్‌తో కలిసి నటించడం ఎంతో సంతోషాన్ని కలిగిస్తుందని చెబుతూ ఎమోషనల్ అయ్యారు.