English | Telugu
స్టేజ్ పైనే శేఖర్కి శ్రీముఖి ముద్దులు!.. మాస్టర్ భార్య పరిస్థితేమిటో..!!
Updated : Jun 19, 2021
కొరియోగ్రాఫర్ శేఖర్ మాస్టర్ తో యాంకర్ శ్రీముఖి చాలా సన్నిహితంగా మెలుగుతుంటుంది. ఇద్దరూ కలిసి డాన్స్ వీడియోలు కూడా చేస్తుంటారు. అయితే తాజాగా ఓ టీవీ షోలో ఏకంగా స్టేజ్ మీదే శేఖర్ మాస్టర్ కు ముద్దులు పెట్టి షాకిచ్చింది శ్రీముఖి. ఓంకార్ హోస్ట్ చేస్తోన్న సిక్స్త్ సెన్స్ నాల్గో సీజన్ ఇటీవల మొదలైన సంగతి తెలిసిందే. మొదటి ఎపిసోడ్ కి అనసూయ-హైపర్ ఆదిలు గెస్ట్ లుగా రాగా.. రెండో ఎపిసోడ్ కి శేఖర్ మాస్టర్-శ్రీముఖిలను తీసుకొచ్చారు ఓంకార్.
రెండు ఎపిసోడ్ కి సంబంధించిన ప్రోమోను విడుదల చేశారు. ఓంకార్ ఎలాంటి ఫిట్టింగ్ పెట్టారో తెలియదు కానీ.. శ్రీముఖి స్టేజ్ పైనే శేఖర్ మాస్టర్ కి గ్యాప్ ఇవ్వకుండా ముద్దులు పెట్టేసింది. వెంటనే శేఖర్ మాస్టర్ భార్య ఏమనుకుంటుందో అని.. 'మీ భార్య పేరేంటి..?' అని శేఖర్ మాస్టర్ ని అడిగి.. 'ఇది షోకి సంబంధించింది.. అన్నీ కల్పితాలే' అని చెప్పింది. నిజంగా ముద్దు పెట్టలేదని కన్విన్స్ చేసే ప్రయత్నం చేసింది.
కేవలం ముద్దులతో ఆగిపోలేదు. 'గిరా గిరా తిరిగే నడుము ఇది' అంటూ శ్రీముఖి నడుం దగ్గర శేఖర్ మాస్టర్ తలపెట్టి డాన్స్ స్టెప్పులు వేశారు. ఈ ముద్దులు, డాన్స్ లతో పాటు ఓంకార్ ను "బావా" అని పిలుస్తూ రెచ్చిపోయింది శ్రీముఖి. ప్రస్తుతం ఈ ప్రోమో సోషల్ మీడియాలో వైరల్ అవుతోంది.