English | Telugu
ముదిరిపోయిన బెండకాయ.. సుధీర్పై రష్మీ కామెంట్!
Updated : May 29, 2021
బుల్లితెరపై సుధీర్, రష్మీ జంటకు ఉన్న ఫాలోయింగ్ గురించి ప్రత్యేకంగా చెప్పనక్కర్లేదు. గత ఎనిమిదేళ్లుగా ఈ జంట ప్రేక్షకులను ఎంటర్టైన్ చేస్తూనే ఉంది. వీరిద్దరి కెమిస్ట్రీ వర్కవుట్ అవ్వడంతో బుల్లితెరపై ఇప్పటికీ దూసుకుపోతున్నారు. ఎప్పటికప్పుడు వీరిద్దరి మధ్య బంధం జనాల్లో హాట్ టాపిక్ అవుతూ ఉంటుంది. తామిద్దరం కేవలం స్నేహితులమేనని.. కనీసం క్లోజ్ ఫ్రెండ్స్ లా కూడా ఉండమని సుధీర్ గతంలో చెప్పుకొచ్చాడు.
కేవలం ప్రేక్షకులను ఎంటర్టైన్ చేయడానికి మాత్రమే తెరపై అలా నటిస్తామని చెప్పాడు. కానీ అభిమానులు మాత్రం రష్మీని పెళ్లి చేసుకోమని సుధీర్ కి సలహాలు ఇస్తుంటారు. ఈ విషయంలో రష్మీ అప్పుడప్పుడు సీరియస్ అవుతూ ఉంటుంది. ఆఫ్ స్క్రీన్ ఈ జంట ఎలా ఉన్నప్పటికీ తెర మీదకు వచ్చేసరికి మాత్రం అందరినీ కట్టిపడేస్తుంటారు. వచ్చే వారం ప్రసారం కానున్న ఎక్స్ట్రా జబర్దస్త్ ఎపిసోడ్ కి సంబంధించిన ప్రోమోను తాజాగా విడుదల చేశారు.
ఇందులో రష్మి చేసిన కామెంట్స్ వైరల్ అవుతున్నాయి. స్కిట్ లో సందర్భానుసారంగా సుధీర్ పై దారుణమైన కామెంట్స్ చేసింది. "సొరంగాల సుధీర్" అని రోజా అంటే.. తవ్వి తవ్వి తవ్వి ఇక్కడి వరకు వచ్చాడంటూ రష్మీ కౌంటర్ వేసింది. ఇక మరో స్కిట్ లో రష్మీ సెటైర్ వేస్తూ.. "ఓ ముదిరిపోయిన బెండకాయ.. బెండకాయలను ఏరుతున్నాడం"టూ పరువు తీసేసింది. ఇక సుధీర్.. పండుగాడు అనే డైలాగ్ చెబుతున్న సమయంలో 'దిండుగాడు' అంటూ సెటైర్ వేసింది.