ఇటు బుల్లితెర‌, అటు వెండితెర‌.. రెండింటిపైనా రాణిస్తోన్న హ‌రితేజ‌కు ఇటీవ‌ల ఓ పండింటి పాప‌కు జ‌న్మ‌నిచ్చింది. ఆమెకు భూమి అనే పేరు కూడా పెట్టింది. అయితే ఇంత‌దాకా పాప ముఖాన్ని ప్ర‌పంచానికి చూపించ‌లేదు హ‌రితేజ‌. ఈరోజు శుక్ర‌వారం (జూన్ 9) పాప‌ను అంద‌రికీ ప‌రిచ‌యం చేసింది. త‌న ఇన్‌స్టాగ్రామ్ హ్యాండిల్ ద్వారా పాప ఫొటోల‌ను కొన్నింటిని ఆమె షేర్ చేసింది. ఆ ఫొటోల‌కు "Meet Ms Bhoomi Deepak Rao" అనే క్యాప్ష‌న్ జోడించింది.

హ‌రితేజ షేర్ చేసిన ఫొటోల‌లో బ్యూటిఫుల్‌ భూమి భిన్న ర‌కాల హావ‌భావాల‌తో ద‌ర్శ‌మివ్వ‌డం విశేషం. ఒక ఫొటోలో ఆశ్చ‌ర్యంగా క‌ళ్లు పెద్ద‌వి చేసుకొని చూస్తూ, ఇంకో ఫొటోలూ న‌వ్వుతూ, మ‌రో ఫొటోలో ఆస‌క్తిగా దేన్నో చూస్తూ.. ఎంత ముచ్చ‌ట‌గా ముద్దొస్తూ ఉందో! 

తెర‌మీద హాస్యాన్ని పండిస్తూ వస్తున్న హ‌రితేజ సోష‌ల్ మీడియాలోనూ న‌వ్వులు పూయిస్తుంటుంది. అయితే అందుకు భిన్నంగా డెలివెరీ సమయంలో తాను పడిన కష్టాల గురించి హరితేజ చెప్పిన విషయాలు అందరినీ ఎమోషనల్ అయ్యేలా చేశాయి. కొద్ది రోజుల క్రితం పాప మొహాన్ని చూపించకుండా హరితేజ షేర్ చేసిన ఫోటోలు వైరల్ అయ్యాయి. 'భూమి దీపక్ రావ్' అంటూ పెట్టిన పేరుకి వివరణ కూడా ఇచ్చింది. ''భూమి అంటే సహనంతో ఉంటుందని అనుకుంటున్నారు.. కానీ వాళ్లకేం తెలుసు సహనాన్ని పరీక్షిస్తే భూకంపాలే'' అని తన బిడ్డ చెబుతున్నట్టుగా హరితేజ చేసిన పోస్ట్ వైరల్ అయ్యింది.