English | Telugu
'బిగ్ బాస్ 5'లో సీరియల్ హీరోయిన్!
Updated : Jul 8, 2021
ఇప్పటివరకు నాలుగు సీజన్లను విజయవంతంగా పూర్తి చేసుకున్న బిగ్ బాస్ షో ఇప్పుడు ఐదో సీజన్ కోసం రెడీ అవుతోంది. ఈసారి పేరున్న సెలబ్రిటీలను తీసుకొచ్చి హైప్ పెంచాలని చూస్తోంది బిగ్ బాస్ టీమ్. ఇప్పటికే చాలా మంది సెలబ్రిటీల పేర్లను పరిశీలించారు. కామెడీని పండించడానికి ఒకరు, గ్లామర్ షో చేయడానికి మరొకరు, ఫైర్ బ్రాండ్ లాంటి క్యారెక్టర్ ఉన్న వాళ్లని ఇలా అన్ని ఎమోషన్స్ ను పండించేవారిని ఒక్కొక్కరిగా ఎంపిక చేస్తున్నట్లు తెలుస్తోంది.
ఈ క్రమంలో బిగ్ బాస్ ఐదో సీజన్లో పాల్గొనబోయే కంటెస్టెంట్లు వీళ్లేనంటూ చాలా మంది పేర్లు బయటకు వచ్చాయి. తాజాగా బుల్లితెర నటి, యాంకర్ సిరి హన్మంత్ కూడా బిగ్ బాస్లో ఎంట్రీ ఇవ్వబోతుందంటూ ప్రచారం జరుగుతోంది. మొదట్లో యాంకర్గా మెరిసిన సిరి ఆ తరువాత సీరియల్స్ వైపు అడుగులేసింది.
పలు షోలకు హాజరవుతూ ఇప్పుడిప్పుడే పాపులారిటీ పెంచుకుంటున్న ఆమెకి బిగ్ బాస్ షో నుండి కాల్ వచ్చిందట. అయితే ఈ విషయంలో ఆమె ఇంకా ఎలాంటి నిర్ణయం తీసుకోలేదని తెలుస్తోంది. మరి ఈ ఆఫర్ను ఆమె ఒప్పుకుంటుందో లేదో చూడాలి. మరోపక్క హీరోయిన్ ఇషా చావ్లా, యాంకర్ లోబోను కూడా ఈ షోలో తీసుకోవాలని ప్లాన్ చేస్తున్నారు.