English | Telugu
నెటిజన్ ప్రశ్నకు ఎమోషనల్ అయిన డాక్టర్ బాబు భార్య! ఆ ప్రశ్నేమిటంటే...
Updated : Jun 11, 2021
బుల్లితెర ప్రేక్షకులకు 'కార్తీక దీపం' ఫేమ్ నిరుపమ్ పరిటాల గురించి ప్రత్యేకంగా పరిచయం చేయనక్కర్లేదు. ఆయన భార్య మంజుల కూడా సీరియల్స్ లో నటిస్తున్నారు. 'చంద్రముఖి' సీరియల్ తో వీరిద్దరి ప్రయాణం మొదలైంది. షూటింగ్ సమయంలో ఇద్దరూ ప్రేమలో పడ్డారు. ఆ తరువాత పెళ్లి చేసుకున్నారు. వీరిద్దరికీ ఓ కొడుకు కూడా ఉన్నాడు. నిరుపమ్ భార్యగా మంజులకు సోషల్ మీడియాలో మంచి ఫాలోయింగ్ ఏర్పడింది. వీరిద్దరూ కలిసి ఓ సీరియల్ చేస్తే చూడాలని అభిమానులు ముచ్చట పడుతున్నారు.
'హిట్లర్ గారి పెళ్ళాం' సీరియల్ తో త్వరలోనే మంజుల ఎంట్రీ ఇవ్వనున్నట్లు సమాచారం. ఈ విషయాన్ని రీసెంట్ ఇంటర్వ్యూలో మంజుల కన్ఫర్మ్ చేసింది. నిరుపమ్ తో కలిసి ఎప్పుడు నటిస్తారని నెటిజన్ ప్రశ్నించగా.. దానికి మంజుల 'హిట్లర్ గారి పెళ్ళాం' సీరియల్ తో త్వరలోనే ఎంట్రీ ఇవ్వబోతోన్నట్టు తెలిపింది. తాజాగా మరోసారి ఆమె తన ఫాలోవర్లతో ముచ్చట్లు పెట్టారు.
ఈ క్రమంలో 'అదా..? ఇదా..?' రెండింటిలో ఏదొకటి సెలెక్ట్ చేసుకోవాలనే ఆట ఆడారు. దీంతో నెటిజన్లు రకరకాల ప్రశాలు అడిగారు. "డాక్టర్ బాబు అంటే ఇష్టమా..? హిట్లర్ అంటే ఇష్టమా..?", "బెంగళూరా..? హైదరాబాదా..?" అంటూ రకరకాల ప్రశ్నలు సంధించారు. తనకు హిట్లర్ అంటే ఇష్టమని, బెంగళూరు అంటేనే ఇష్టమని చెప్పుకొచ్చింది. మరో నెటిజన్ "భర్తా..? కొడుకా..?" అని అడిగాడు. దానికి ఆమె ఇద్దరినీ వేరు చేయలేనని.. అలా చేసిన రోజు నా ఊపిరి ఆగిపోతుందని ఎమోషనల్ అయింది.