English | Telugu
"దూరం నుంచి చూశాడు కాబట్టి చేయి కోసుకున్నాడు.. దగ్గర నుంచి చూస్తే ఉప్పెనే!"
Updated : Jun 13, 2021
'జబర్దస్త్'లో హైపర్ ఆది స్కిట్ లకు చాలా మంది ఫ్యాన్స్ ఉన్నారు. ప్రత్యేకించి ఆయన కోసమే షోని చూసేవాళ్లు చాలా మంది ఉన్నారు. డబుల్ మీనింగ్ డైలాగులు, బూతు పంచ్ లతో రెచ్చిపోతుంటాడు ఆది. అయినప్పటికీ అతడి స్కిట్ లకు మిలియన్లలో వ్యూస్ వస్తుంటాయి. తాజాగా వచ్చే వారానికి సంబంధించిన 'జబర్దస్త్' ప్రోమోను విడుదల చేయగా.. ఇందులో హైపర్ ఆది, రామ్ ప్రసాద్ తో కలిసి నవ్వించే ప్రయత్నం చేశాడు.
ఒక పేపర్ పట్టుకొని వచ్చి "నువ్వు చదువు" అంటే "నువ్వు చదువు" అనుకుంటూ "ఇద్దరికీ రాదులే" అంటూ చిన్న పంచ్ తో స్కిట్ మొదలుపెట్టాడు. ఆ తర్వాత తనను తాను వెధవ అని ఒప్పుకుంటూ.. ''నేను నెంబర్ 1 వెధవ..".. రామ్ ప్రసాద్ ను చూపిస్తూ "వీడు నెంబర్ 2 వెధవ" అని కామెంట్ చేశాడు. వెంటనే రామ్ ప్రసాద్ "నన్ను పిలిచి ఇన్సల్ట్ చేస్తావా.. నెంబర్ వన్ నాకే ఇవ్వు" అన్నాడు. ఆది "సరే" అనగానే అంతా గొల్లున నవ్వేశారు.
ఇక లేడీ గెటప్ లో ఎంట్రీ ఇచ్చిన శాంతి స్వరూప్.. "మొన్న ఒకడు నన్ను చూసి చేయి కోసుకున్నాడు" అని అన్నాడు. దానికి హైపర్ ఆది.. "దూరం నుంచి చూశాడు కాబట్టి చేయి కోసుకున్నాడు.. దగ్గర నుంచి చూస్తే ఉప్పెనే" అంటూ డబుల్ మీనింగ్ డైలాగ్ వేశాడు. 'ఉప్పెన' సినిమాలో క్లైమాక్స్ సీన్ ను ఉద్దేశిస్తూ ఈ పంచ్ వేశాడు. ఈ పంచ్ లకు మనో, రోజా, అనసూయ పడిపడి మరీ నవ్వుకున్నారు.