English | Telugu
హైపర్ ఆదిని అర్ధనగ్నంగా కూర్చోపెట్టిన ఓంకార్!
Updated : Jun 10, 2021
బుల్లితెరపై రోజుకో ఎంటర్టైన్మెంట్ షో పుట్టుకొస్తూనే ఉంది. అయితే ఓంకార్ హోస్ట్ చేసే షోలు కొన్ని డిఫరెంట్ గా ఉంటాయి. ఇస్మార్ట్ జోడి, డ్యాన్స్ ప్లస్, సిక్స్త్ సెన్స్ వంటి షోలతో ఓంకార్ మంచి పేరు సంపాదించుకున్నారు. ఈ మధ్యనే డాన్స్ ప్లస్ షోను సక్సెస్ఫుల్గా కంప్లీట్ చేశారు. ఇక ఇప్పుడు సిక్స్త్ సెన్స్ కొత్త సీజన్తో ప్రేక్షకుల ముందుకు రానున్నారు ఓంకార్. ఇప్పటికే ఈ షోకి సంబంధించిన మూడు సీజన్లను టెలికాస్ట్ చేశారు. ఇప్పుడు నాల్గో సీజన్ రాబోతుంది.
ఈ షోకి బుల్లితెర తారలు, టాలీవుడ్ సెలబ్రిటీలను తీసుకొచ్చి గేమ్స్ ఆడిస్తుంటారు ఓంకార్. తాజాగా ఈ కొత్త సీజన్కు హైపర్ ఆది, అనసూయలను గెస్ట్ లుగా తీసుకొచ్చారు ఓంకార్. తాజాగా దీనికి సంబంధించిన ప్రోమోను విడుదల చేశారు. ఇప్పుడు అది యూట్యూబ్ లో వైరల్ అవుతోంది. ఇందులో హైపర్ ఆది షర్ట్ తీయించి అర్ధనగ్నంగా కూర్చోబెట్టారు ఓంకార్.
ఛాలెంజ్ లో ఓడిపోవడంతో హైపర్ ఆది తన షర్ట్ ను తీయాల్సిన పరిస్థితి వచ్చింది. దీంతో అతడు.. ''ఆది కేశవరెడ్డిలా వస్తే అర్జున్ రెడ్డిలా చేశారంటూ'' కౌంటర్ వేశాడు. గేమ్లో ఆదిని బాగా టెన్షన్ పెట్టేశారు ఓంకార్. దీంతో అతడు టెన్షన్ తట్టుకోలేక.. "ఆ లక్ష మీకే ఇచ్చేస్తాను నన్ను వదిలేయండి." అంటూ బతిమాలుకున్నాడు. "ఇలా కూడా బ్రతకనివ్వరా!" అంటూ ఓంకార్ మీద అసహనం వ్యక్తం చేశాడు. ఆదితో పాటు అనసూయను కూడా బాగానే టెన్షన్ పెట్టినట్లు ఉన్నారు ఓంకార్.