స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ శుక్రవారం నాటి ఎపిసోడ్ -1043 లో.. అనుపమ ఇంట్లో నుండి లెటర్ రాసి వెళ్లిపోతుంటే.. అప్పుడే అనుపమ కార్ కి అడ్డంగా దేవయాని వస్తుంది. అనుపమ కార్ దిగి వచ్చి దేవయానితో మాట్లాడుతుంది. ఎక్కడికి వెళ్తున్నావ్? నిన్ను ఫాలో అవుతూ వస్తున్నానని దేవయాని అనగానే.. నన్ను ఎందుకు ఫాలో అవుతున్నారని అనుపమ అడుగుతుంది. అంటే నేను నిన్ను ఓదార్చడానికి వచ్చాను.. అయిన ఎందుకు వెళ్ళిపోతున్నావని అనుపమని మళ్ళీ ప్రశ్నలతో ఉక్కిరిబిక్కిరి చేస్తుంది. నీకు నీ భర్త కి గానీ ఏదైనా సమస్యలు ఉంటే చెప్పు.. నేను సాల్వ్ చేస్తానని దేవయాని అంటుంది.

ఆ తర్వాత అసలు నీకు పెళ్లి అయిందా.. అయితే ఎవరు నీ భర్త? మను తండ్రి ఎవరో చెప్పు? నిజం గానే మను నీ కన్నా కొడుకా లేక పెంచుకుంటున్నావా అని అనుపమని దేవయాని అడుగుతుంది. అసలు నన్ను ప్రశ్నించే హక్కు నీకు ఎక్కడిది? నువు ఎవరని అనుపమ అడుగుతుంది. అంటే ఈ ప్రశ్నలకి సమాధానం చెప్పలేక పారిపోతున్నావా.. నువ్వు ఇలా చేస్తావనుకులేదని దేవయాని అంటుంది. మీరు హద్దుదాటి మాట్లాడుతున్నారని అనుపమ అంటుంది. ఏదైనా తప్పు చేసావా అని దేవాయని అనగానే.. అప్పుడే మహేంద్ర, వసుధార, మనులు అక్కడికి వస్తారు. అసలు మీరు ఎందుకు వచ్చారని దేవయానిని మహేంద్ర అడుగుతాడు. నేనేం అంటున్నా.. నన్ను ఈ విషయంలో అపార్థం చేసుకుంటున్నావ్.. మను తన తండ్రి విషయంలో చాలా బాధపడుతున్నాడని దేవాయని అంటుంది. " మీరు ఆపండి.. సూటి పోటీమాటలతో ఏంటిక్కడ నుండి మర్యాదగా వెళ్ళండి. లేదంటే ఫణింద్ర సర్ కి ఫోన్ చేస్తాను " అని  వసుధార అనగానే.. దేవయాని అక్కడ నుండి వెళ్ళిపోతుంది.

ఆ తర్వాత ఎందుకిలా చేస్తున్నావ్ ఎందుకు వెళ్లిపోదామనుకుంటున్నావని మహేంద్ర అంటాడు. " నువ్వు అసలు ఎందుకు వచ్చావ్" అని మనుని కాలర్ పట్టుకొని అడుగుతుంది అనుపమ. ఎవరైనా ఇలా అంటారా అని మహేంద్ర అంటాడు. ఆ తర్వాత మీ ప్రశ్నలు వేధించేలా ఉన్నాయి.. మీరు ఇక అడగకండి అని మను అంటాడు. ఆ తర్వాత ఇక మేమ్ మిమ్మల్ని ఏం అడగమని చెప్పి.. అనుపమని ఇంటికి తీసుకొని వెళ్తారు. మరొకవైపు అసలు నా మాటలకి అన్ని ఎదురు మాట్లాడారని శైలేంద్రతో దేవయాని చెప్తుంది. ఆ తర్వాత ధరణి వచ్చి.. మీకు DRS అని బాగుందా? DSR బాగుందా అని అడిగారు కదా.. DRS బాగుందని ధరణి చెప్తుంది. ఎందుకురా పేరు విషయంలోనే ఇలా చేస్తున్నావంటు శైలేంద్రతో దేవయాని అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.