English | Telugu
పోలీసుల కౌన్సిలింగ్కి డుమ్మా కొట్టిన యూట్యూబ్ స్టార్?
Updated : Mar 6, 2021
యూట్యూబ్ స్టార్ షణ్ముఖ్ జస్వంత్ తన విభిన్నమైన వీడియోలతో పాపులర్ అయ్యారు. త్వరలో బిగ్ బాస్ సీజన్ 5 కంటెస్టెంట్గా హౌస్లోకి ఎంట్రీ ఇవ్వనున్న జస్వంత్ డ్రంక్ అండ్ డ్రైవ్లో అడ్డంగా దొరికి పోయి పోలీసులకు చిక్కడం ఆ వీడియో సోషల్ మీడియాలో వైరల్ కావడం తెలిసిందే. ఆ తరువాత అతనికి బెయిల్ మంజూరు చేసిన పోలీసులు కౌన్సిలింగ్ కోసం హాజరు కావాలని సూచించారట.
తాజాగా అతన్ని పోలీసులు కౌన్సిలింగ్కి పిలిచారు. అయితే వారి ఆదేశాలని షణ్ముఖ్ జస్వంత్ బేఖాతరు చేశారట. కౌన్సిలింగ్కి డుమ్మా కొట్టాడని చెబుతున్నారు. దీంతో జూబ్లీ హిల్స్ పోలీసులు అతనిపై ప్రొసీడింగ్కు సిద్ధమవుతున్నారట. గత కొన్ని రోజుల క్రితం షణ్ముఖ్ జూబ్లీ హిల్స్ రోడ్ నెం. 10లో కారుతో రెండు కార్లని, ఓ బైకర్ని ఢీ కొట్టాడు. అతను తీవ్రంగా గాయపడ్డాడు.
ఆ సమయంలో అతను మద్యం సేవించి వుండటంతో బ్రీత్ ఎనలైజర్తో టెస్ట్ చేశారు. మద్యం సేవించినట్టు నిర్ధారణ కావడంతో అతనిపై సెక్షన్ 337, 279 కింద కేసు నమోదు చేసిన జూబ్లీహిల్స్ పోలీసులు అతన్ని అదుపులోకి తీసుకున్నారు. ఆ తరువాత బెయిల్పై విడుదల చేశారు. తాజా పరిస్థితుల నేపథ్యంలో షణ్ముఖ్ జస్వంత్ బిగ్ బాస్ సీజన్ 5 ఎంట్రీ ప్రశ్నార్థకంగా మారింది.