బుల్లితెర మీద అతిపెద్ద డాన్స్ రియాలిటీ షోగా ప్రారంభమై విజయవంతంగా దూసుకెళ్తోంది    “ఢీ” డాన్స్ షో. ఇప్పటికి 15 సీజన్స్ పూర్తి చేసుకున్న ఢీ సీజన్ 16 తో ఆడియన్స్ ముందుకు రావడానికి  రెడీ అవుతోంది. ఈ కొత్త సీజన్ కి సంబంధించి ఆడిషన్స్ ఆల్రెడీ స్టార్ట్ చేసేసారు షో మేకర్స్. ఇప్పుడు జరుగుతున్న ఢీ సీజన్ 15 సెమీ ఫైనల్స్ లోకి ఎంట్రీ ఇచ్చేసింది. ఇందులో గెలిచినా వాళ్ళతో ఫైనల్స్ లోకి వెళ్లేందుకు రెడీ అయ్యింది. కాబట్టి ఈ సీజన్ త్వరలో ఎండ్ కాబోతోంది అనే విషయం తెలుస్తోంది. అందుకే ఇప్పుడు కొత్త సీజన్ కోసం ఆడిషన్స్ నిర్వహిస్తున్నారు.

డాన్స్ లో మంచి టాలెంట్ ఉన్నవాళ్లకు ఇదో మంచి అవకాశం..వేదిక అని చెప్పొచ్చు. 18 - 30 ఏళ్ళ వయసున్న అబ్బాయిలు, అమ్మాయిలు ఈ ఆడిషన్స్ కి రావొచ్చు అని అనౌన్స్ చేశారు. ఈ ఆడిషన్స్ మే 18 న కర్నూల్ లో సెయింట్ జోసెఫ్ డిగ్రీ కాలేజీలో, అలాగే కరీంనగర్ లో ఫిలిం భవన్ ఎదురుగా ఉన్న ప్రతిమ మల్టీప్లెక్స్ లో ఉదయం 10 గంటల నుంచి సాయంత్రం 4 వరకు జరగబోతున్నాయి అని చెప్పారు. 15  సంవత్సరాలుగా ఆడియన్స్ ని డాన్స్ లవర్స్ ని అట్ట్రాక్ట్ చేస్తున్న ఈ షో ఇప్పుడు సీజన్ 16 లోకి అడుగుపెట్టబోతోంది. అలాగే ఈ ఆడిషన్స్ కి సంబంధించిన డీటెయిల్స్ కోసం 7670882334 లో సంప్రదించవచ్చని చెప్పారు. మరి కొత్తవాళ్లు ఈ ఆడిషన్స్ కి వెళ్లి మీ టాలెంట్ ని ఈ ప్రపంచానికి పరిచయం చేయండి.