ఫైమా‌ పటాస్, జబర్దస్త్, బిగ్ బాస్ సీజన్-6 తో అందరికీ సుపరిచితమే. పటాస్ షో ద్వారా బుల్లితెరపై ఎంట్రీ ఇచ్చిన ఫైమా.. ఆ తర్వాత జబర్దస్త్ లోకి వచ్చింది. అక్కడ కూడా తన కామెడీ టైమింగ్ తో తనేంటో నిరూపించుకుంది. అలా బుల్లితెరపై నవ్వులు పూయించిన ఫైమాకి బిగ్ బాస్ సీజన్-6 లో అవకాశం లభించింది. 

బిగ్ బాస్ హౌస్ లోకి కమెడియన్ గా అడుగుపెట్టిన ఫైమా.. హౌస్ లో నవ్వులు పూయించింది. అయితే ఒకానొక దశలో తను వేసే పంచులు ఎదుటివారిని ఇబ్బంది పెడతాయని అప్పుడే తెలిసింది. దాంతో హోస్ట్ గా చేస్తున్న నాగార్జున ఫైమాకి అలా వెటకారంగా మాట్లాడకూడదని వార్నింగ్ కూడా ఇచ్చాడు. అయినా తను మారలేదు. దాంతో ప్రేక్షకులలో ఫైమాపై నెగెటివ్ ఇంపాక్ట్ కలిగిందనే చెప్పాలి. దాంతో బిగ్ బాస్ వీక్లీ వైస్ ఎలిమినేషన్ లో ఫైమా బయటకొచ్చింది. అయితే ఫైమా తనకంటూ కొంత ఫ్యాన్ బేస్ ని సొంతం చేసుకుంది. ఆ ఫ్యాన్స్ ఫైమా బయటకొచ్చాక గ్రాంఢ్ గా వెల్ కమ్ చెప్పారు. దీంతో అందరి దృష్టి ఫైమా మీద పడింది. అలా ఫైమా ఒక్కసారిగా సెలబ్రిటీ హోదాని దక్కించుకుంది. ఆ తర్వాత బిబి జోడీలో సూర్య తో కలిసి డ్యాన్స్ చేసి వావ్ అనిపించింది. దీంతో ఫైమాకి ఫ్యాన్ బేస్ మరింత పెరిగింది. అయితే ఫైమా తన గురించి ప్రతీ అప్డేట్ ని ఇన్ స్టాగ్రామ్‌లో షేర్ చేస్తూ ప్రేక్షకులకు దగ్గరగా ఉంటుంది.

ఫైమా తాజాగా ఇన్ స్టాగ్రామ్ లో తన అభిమానులతో ముచ్చటించింది. దాంతో తన అభిమానులు కొన్ని ఆసక్తికరమైన ప్రశ్నలను అడిగారు.  కొత్తగా వస్తున్న మూవీస్ లో‌ నటిస్తున్నారా అని ఒకరు అడుగగా.. ఆఫర్స్ వస్తున్నాయి కానీ మంచి క్యారెక్టర్ కోసం ఎదురుచూస్తున్నా అని ఫైమా రిప్లై ఇచ్చింది. ఎవరైనా మిమ్మల్ని ఎక్కువగా పొగిడితే మీ ఇన్నర్ ఫీలింగ్ ఏంటని ఒకరు అడుగగా.. హా చాలు చాలు బిస్కెట్స్ అని జవాబిచ్చింది ఫైమా. మీరు హీరో రామ్ పోతినేని గారి అభిమాని కదా మరి నిన్న రామ్ బర్త్ డేకి స్టేటస్ పెట్టలేదేంటని ఒకరు అడుగగా.. "నేను స్టేటస్ పెట్టినా తను చూడరు కదా.. నేను తన ఫ్యానే కానీ, నేను తన ముందు ఉన్నప్పుడు తను నన్ను గుర్తుపట్టేంత ఫేమ్ వచ్చాక.. నేను మీ ఫ్యాన్ అని తనతో చెప్పాలని ఉంది" అంటూ సమాధానమిచ్చింది. ఇలా తనకి సంబంధించిన కొన్ని ఆసక్తికరమైన విషయాలను ఫ్యాన్స్ తో షేర్ చేసుకుంది ఫైమా.