English | Telugu
డాన్స్ షోలో దీప్తి హాట్ పెర్ఫార్మన్స్.. షణ్ముఖ్ పై ట్రోల్స్!
Updated : May 24, 2021
ఆదివారం జరిగిన 'డాన్స్ ప్లస్' గ్రాండ్ ఫినాలేలో దీప్తి సునయన హాట్ పర్ఫార్మెన్స్, కో డాన్సర్తో ఆమె ముద్దులు పెట్టించుకున్న వైనం సోషల్ మీడియాలో వైరల్గా మారింది. ఈ విషయంలో ఆమెతో పాటు యూట్యూబర్ షణ్ముఖ్ జస్వంత్ కూడా ట్రోలర్స్ బారినపడ్డాడు. సోషల్ మీడియాలో దీప్తి సునయన, షణ్ముఖ్ జంటకి ఉన్న ఫాలోయింగ్ గురించి అందరికీ తెలిసిందే. వీరిద్దరికి సంబంధించిన వార్తలు బాగా వైరల్ అవుతుంటాయి. ఈ జంట ప్రేమలో ఉన్నామని ఎప్పుడూ కూడా క్లారిటీ ఇవ్వలేదు. కానీ తమపై వచ్చే వార్తలను చూసీచూడనట్లు వదిలేస్తారు. ఏదైనా ఇంటర్వ్యూలో తమ రిలేషన్ గురించి అడిగితే మాత్రం "అందరికీ తెలిసిందే కదా" అని సమాధానం దాటవేస్తారు.
అలా దీప్తి సునయన, షణ్ముఖ్ వ్యవహారం ఎప్పుడూ వైరల్ అవుతూనే ఉంటుంది. దీప్తిపై ట్రోలింగ్ వచ్చిన ప్రతిసారీ షణ్ముఖ్ ను కూడా ఆడేసుకుంటారు. షణ్ముఖ్ మీద ట్రోలింగ్ జరిగినప్పుడు దీప్తిని ఏడిపిస్తుంటారు. అలా ఇప్పుడు దీప్తి సునయన చేసిన పనికి షణ్ముఖ్ ను ఆటపట్టిస్తున్నారు. డాన్స్ ప్లస్ గ్రాండ్ ఫినాలే ఎపిసోడ్ లో దీప్తి సునయన సెగలు పుట్టించేలా పెర్ఫార్మన్స్ ఇచ్చింది. కో డాన్సర్ తో హాట్ మూవ్స్, ముద్దులు పెట్టించుకోవడం వంటి విషయాలపై నెటిజన్లు మండిపడ్డారు.
దీప్తి ఆలా రెచ్చిపోవడంతో షణ్ముఖ్ పై మీమ్స్ క్రియేట్ చేస్తూ ట్రోల్ చేశారు. తాజాగా దీనిపై షణ్ముఖ్ స్పందించాడు. రీసెంట్ గా తన ఫాలోవర్లతో ముచ్చటించిన షణ్ముఖ్ కి ''డాన్స్ ప్లస్ షోలో దీప్తి పెర్ఫార్మన్స్ విషయంలో.. మీపై బాగా మీమ్స్ వచ్చినట్లున్నాయిగా.. మీరు ఎలా ఫీల్ అవుతున్నారు?'' అంటూ ఒకతను వెటకారంగా ప్రశ్నించాడు. దీనికి షణ్ముఖ్.. ''కొత్తగా ఏం అనిపించలేదు.. ఇంత కన్నా దారుణాలు తట్టుకున్న గుండె ఇది.. ఇవి అన్నీ ఎంత'' అంటూ తన స్టైల్ లో బదులిచ్చాడు.