అప్పటివరకు అరియానా గ్లోరీ అంటే ఎవరికీ తెలియదు. కానీ ఆర్జీవీను ఇంటర్వ్యూ చేసి సూపర్ పాపులారిటీ దక్కించుకుంది ఈ బ్యూటీ. ఈ ఇంటర్వ్యూ కారణంగానే ఆమెకి బిగ్ బాస్ షోలో ఛాన్స్ వచ్చింది. ఈ షో అరియానాకు మరింత క్రేజ్ ను తీసుకొచ్చింది. దీంతో హౌస్ నుండి బయటకొచ్చిన తరువాత ఆమెకి పలు టీవీ షోలు, సినిమాల్లో నటించే అవకాశాలు వస్తున్నాయి. ఇదిలా ఉండగా.. రీసెంట్ అరియనా ట్విట్టర్ లో ఓ ఫోటో షేర్ చేసింది. 

అందులో ఆర్జీవీ, అరియనా జిమ్ డ్రెస్ లో కనిపించారు. ఈ ఫోటోను షేర్ చేస్తూ వర్మను మరోసారి ఇంటర్వ్యూ చేసినట్లు తెలిపింది అరియానా. ఇక్కడ ఇంట్రెస్టింగ్ విషయమేమిటంటే.. ఆర్జీవీ ప్రత్యేకించి తనతో ఓ ఇంటర్వ్యూ చేయమని అరియానాను కోరాడట. పైగా ఆ ఇంటర్వ్యూ కూడా డిఫరెంట్ గా యాంకర్-గెస్ట్ ఇద్దరూ జిమ్ లో కసరత్తులు చేస్తూ ఉండేలా ఒక థీమ్ తో ప్లాన్ చేసినట్లు తెలుస్తోంది. 

ఇంటర్వ్యూ పూర్తయిందని.. ఆర్జీవీనే ఎడిటింగ్ బాధ్యతలు, ప్రోమో కటింగ్ పనులు పూర్తి చేశారని.. ఆ తరువాత అరియానాను పిలిచి ప్రోమోను చూపించినట్లు తెలుస్తోంది. ఇది చూసిన అరియనా జనాలు ఎలా రిసీవ్ చేసుకుంటారో అని సన్నిహితుల వద్ద టెన్షన్ పడినట్లు సమాచారం. అరియానా అంతలా టెన్షన్ పడుతుందంటే.. ఈ ఇంటర్వ్యూ మొత్తం వర్మ స్టైల్ లో పొగడ్తలు, హాట్ కామెంట్స్ తో నిండిపోయి ఉందనిపిస్తుంది.