ఈ మధ్యకాలంలో చాలా మంది బుల్లితెర సెలబ్రిటీలు, యాంకర్లు యూట్యూబ్ ఛానెల్స్ మొదలుపెట్టి పలు వీడియోలను షేర్ చేస్తున్నారు. యాంకర్ శ్యామల కూడా ఇలానే ఛానెల్ స్టార్ట్ చేసి వీడియోలను పోస్ట్ చేస్తోంది. తాజాగా ఈమె తన కొత్త విల్లాకు సంబంధించిన వీడియోను షేర్ చేసింది. ఈ ఖరీదైన విల్లాను పాలరాతితో నిర్మిస్తున్నారు. ప్రస్తుతం నిర్మాణంలో ఉన్న ఈ విల్లాను లగ్జరీ హౌస్ గా నిర్మిస్తున్నారు.

ఈ డూప్లెక్స్ హౌస్ లో మొత్తం రెండు హాల్స్, కిచెన్, బెడ్ రూమ్, దేవుడి గది, శ్యామల మేకప్ రూమ్, చిల్డ్రన్స్ కోసం స్పెషల్ ఎలివేషన్ రూమ్, ప్లే గ్రౌండ్, ఇంట్లోనే లిఫ్ట్, స్టడీ రూమ్, ఉయ్యాల కోసం స్పెషల్ రూమ్, పార్టీల కోసం స్పెషల్ స్పేస్ ఇలా ఫుల్ లగ్జరీగా నిర్మిస్తున్నారు. వీటితో పాటు శ్యామల భర్త నరసింహ ఇంట్లోనే బార్ ఏర్పాట్లు కూడా చేసుకుంటున్నట్టు చూపించింది శ్యామల.

ఈ విల్లా నిజంగానే అద్భుతంగా ఉన్నప్పటికీ ఈ వీడియో చూసిన నెటిజన్లు మాత్రం ఆమెపై సెటైర్లు వేస్తున్నారు. "ఈ విల్లాను నీ భర్త నరసింహ కొట్టేసిన డబ్బుతోనే కట్టిస్తున్నావా..?" అంటూ ఊహించని విధంగా కామెంట్స్ చేస్తున్నారు. కొన్నాళ్లక్రితం శ్యామల భర్త నరసింహ తన వద్ద కోటి రూపాయలు తీసుకొని ఎగ్గొట్టారంటూ ఓ మహిళ కంప్లైంట్ చేసిన సంగతి తెలిసిందే. ఈ విషయంలో నరసింహను పోలీసులు అరెస్ట్ కూడా చేశారు.

ఇప్పుడు అదే విషయాన్ని ప్రస్తావిస్తూ నెటిజన్లు ఈ వీడియో కింద కామెంట్స్ చేస్తున్నారు. శ్యామల.. ఈ హోమ్ టూర్ వీడియోపై ఇలాంటి రెస్పాన్స్ వస్తుందని ఊహించి ఉండదు. ఏదైతేనేం ఇప్పటికే ఈ వీడియోకి మిలియన్ వ్యూస్ కి పైగా వచ్చాయి.