రీసెంట్ గా 'జబర్దస్త్'కు సంబంధించిన ప్రోమో ఒకటి యూట్యూబ్ లో బాగా వైరల్ అయింది. స్టేజ్ మీద యాంకర్ శివ అడిగిన ప్రశ్న‌కు ఆ షో వ్యాఖ్యాత, నటి అనసూయ కోప్పడి వెళ్లిపోయింది. హైపర్ అది స్కిట్ లో భాగంగా గెస్ట్ గా వచ్చిన యాంకర్ శివ.. మిమ్మల్ని ఎప్పటినుండో ఓ ప్రశ్న అడగాలనుకుంటున్నా అని.. ఆమె డ్రెస్సింగ్ గురించి అడిగాడు. 

దానికి అనసూయ 'అది నా పర్సనల్ విషయం' అని చెప్పింది. వెంటనే శివ.. 'పర్సనల్ అయితే ఇంట్లో చూసుకోవచ్చుగా.. ఇక్కడ ఎందుకు' అని అనగానే.. అనసూయ కోపంతో వెళ్లిపోయింది. ఇది చూసిన అభిమానులు నిజంగానే అనసూయ హర్ట్ అయి వెళ్లిపోయిందని అనుకున్నారు. కానీ అది నిజం కాదు. ఎప్పటిలానే ఈ ప్రోమోని కూడా పబ్లిసిటీ కోసం అలానే కట్ చేశారు. 

స్టేజ్ మీద నుండి కోపంగా వెళ్లిపోయిన అనసూయను హైపర్ ఆది, యాంకర్ శివ కన్విన్స్ చేసి స్టేజ్ మీదకు తీసుకురావడానికి ప్రయత్నించారు. యాంకర్ శివ పదే పదే అనసూయకు సారీ చెప్పారు. ఈ బాగోతాన్ని జడ్జిలు రోజా, మను చూస్తూ ఉన్నారు. ఆ తరువాత స్టేజ్ మీదకు వచ్చిన అనసూయ 'రోజా గారు మీరు నమ్మేశారు కదా' అంటూ ఫూల్ చేసే ప్రయత్నం చేసింది. దానికి రోజా అస్సలు నమ్మలేదంటూ అనసూయ గాలి తీసేసింది.