English | Telugu
కూతురికి పేరు పెట్టిన హరితేజ.. ఆ పేరే ఎందుకంటే..!!
Updated : Jun 26, 2021
బుల్లితెరపై సీరియల్స్తో ఫేమస్ అయిన హరితేజ ఆ తరువాత సినిమా అవకాశాలు దక్కించుకుంది. బిగ్ బాస్ షోలోకి ఎంటర్ అయిన తరువాత ఆమె క్రేజ్ బాగా పెరిగిపోయింది. బిగ్ బాస్ షో లంటే ముందుగా ఆమెకి ఎక్కువగా సీరియల్స్లో నెగెటివ్ రోల్స్ వచ్చేవి. కానీ బిగ్ బాస్ షో తరువాత ఆమె ఇమేజ్ పూర్తిగా మారిపోయింది. ముఖ్యంగా 'అ ఆ' సినిమా హరితేజ కెరీర్కి టర్నింగ్ పాయింట్ అయింది.
ఈ సినిమాతో కమెడియన్గా మారిపోయింది హరితేజ. తెరపైనే కాకుండా సోషల్ మీడియాలోనూ హరితేజ నవ్వులు పూయిస్తుంటుంది. అలా హరితేజకు మంచి ఫాలోయింగ్ ఏర్పడింది. అయితే హరితేజ ఇటీవల కాలంలో ఎక్కువగా వార్తల్లో నిలుస్తోంది. డెలివెరీ సమయంలో తాను పడిన కష్టాల గురించి హరితేజ చెప్పిన విషయాలు అందరినీ ఎమోషనల్ అయ్యేలా చేశాయి.
ఇక తనకు పుట్టిన పాపను ఇప్పటివరకు క్లియర్గా బయటకు చూపించలేదు హరితేజ. మొహాన్ని చూపించకుండా హరితేజ షేర్ చేసిన ఫోటోలు వైరల్ అయ్యాయి. తాజాగా హరితేజ తన కూతురికి అదిరిపోయే పేరు పెట్టింది. 'భూమి దీపక్ రావ్' అంటూ పెట్టిన పేరుకి వివరణ కూడా ఇచ్చారు. ''భూమి అంటే సహనంతో ఉంటుందని అనుకుంటున్నారు.. కానీ వాళ్లకేం తెలుసు సహనాన్ని పరీక్షిస్తే భూకంపాలే'' అని తన బిడ్డ చెబుతున్నట్టుగా హరితేజ చేసిన పోస్ట్ వైరల్ అవుతోంది.