బుల్లితెరపై రాములమ్మగా సూపర్ పాపులారిటీ దక్కించుకున్న శ్రీముఖి.. వెండితెరపై కూడా తన అదృష్టాన్ని పరీక్షించుకుంది. బిగ్ బాస్ సీజన్ 3లో పాల్గొన్న తరువాత ఆమె ఇమేజ్ కాస్త మారిపోయింది. గతంలో వరుస టీవీ షోలతో ఎంతో బిజీగా ఉన్న ఈమె ఇప్పుడు ఎక్కడా కనిపించడం లేదు. అప్పుడప్పుడు షోలలో గెస్ట్ గా కనిపిస్తోందే తప్ప హోస్ట్‌గా మాత్రం ఎక్కడా కనిపించడం లేదు. 

అవకాశాలు లేకపోయినా సోషల్ మీడియాలో మాత్రం ఈమె చాలా యాక్టివ్ గా ఉంటోంది. తన హాట్ హాట్ ఫోటోలు, డాన్స్ వీడియోలు షేర్ చేస్తూ రచ్చ చేస్తుంటుంది. ఇక శ్రీముఖి ప్రేమ సంగతుల గురించి తెలిసిందే. ఇండస్ట్రీకి చెందిన వ్యక్తితో ఒక‌ప్పుడు రిలేషన్ లో ఉన్నట్లు.. కానీ తరువాత బ్రేకప్ అయిందని బిగ్ బాస్ హౌస్‌లో ఉన్నప్పుడు చెప్పుకొచ్చింది. 

తాజాగా ఈ బ్యూటీ తన ఫాలోవర్లతో ముచ్చటించింది. ఇందులో భాగంగా వారు అడిగిన ప్రశ్నలకు సమాధానాలు చెప్పుకొచ్చింది. ముందుగా ఓ నెటిజన్.. ''జీవితంలో చేసిన అతిపెద్ద తప్పు ఏంటి..?'' అని అడిగాడు. దానికి ఆమె.. ''జనాలను త్వరగా నమ్మడం, ప్రేమించడం'' అంటూ చెప్పుకొచ్చింది. మరో నెటిజన్ 'మీ జీవితంలో ప్రేమ కథలు ఉన్నాయా..?' అని అడగ్గా.. అమేజింగ్ స్టోరీస్ ఉన్నట్లు చెప్పుకొచ్చింది.