బుల్లితెరపై హాట్ యాంకర్ గా గుర్తింపు తెచ్చుకున్న అనసూయ.. వెండితెరపై కూడా తన సత్తా చాటుతోంది. ఇటు టీవీ షోలు, అటు సినిమాలతో బిజీ అయిపొయింది. మరోపక్క సోషల్ మీడియాలో ఎప్పటికప్పుడు పోస్ట్ లు పెడుతూ అభిమానులతో టచ్ లో ఉంటోంది. రీసెంట్ గా ఈ బ్యూటీ నటించిన 'థాంక్యూ బ్రదర్' సినిమా ప్రేక్షకుల ముందుకు వచ్చింది. ఓటీటీలో విడుదలైన ఈ సినిమాకి మిశ్రమ స్పందన వచ్చింది. ప్రస్తుతం ఈ బ్యూటీ అల్లు అర్జున్‌ 'పుష్ప' సినిమాలో నటిస్తోంది. 

తాజాగా ఈ సినిమా గురించి మాట్లాడిన అనసూయ.. బన్నీ గురించి కొన్ని కామెంట్స్ చేసింది. తను 'పుష్ప' షూటింగ్ లో నాలుగు రోజులే పాల్గొందట. ఆ తరువాత కరోనా సెకండ్ వేవ్ ఉదృతి కారణంగా షూటింగ్ వాయిదా పడింది. అయితే ఆ నాలుగు రోజుల్లోనే అల్లు అర్జున్ డెడికేషన్ చూసి ఫిదా అయ్యానంటూ బన్నీ అభిమానులను ఎట్రాక్ట్ చేసే కామెంట్స్ చేసింది. 

కేవలం నాలుగు రోజుల్లోనే అల్లు అర్జున్ తో ప్రేమలో పడ్డానని చెప్పుకొచ్చిన అనసూయ.. బన్నీ మల్టీటాలెంటెడ్ అంటూ తెగ పొగిడేసింది. ఆయనకు మంచి పేరు, క్రేజ్ ఉన్నప్పటికీ ఇప్పటికీ తన మొదటి సినిమా కోసం ఎంత కష్టపడ్డారో 'పుష్ప' సినిమా కోసం కూడా అంతే కష్టపడుతున్నారని చెప్పింది. అల్లు అర్జున్ పాత్రతో ప్రేక్షకులు ఎగ్జైట్ అవ్వడం పక్కా అని చెప్పుకొచ్చింది అన‌సూయ‌.