బుల్లితెరపై దాదాపు ఇరవై సీరియల్స్ లో నటించిన లహరి ప్రస్తుతం 'గృహాలక్ష్మీ' సీరియల్ లో నటిస్తోంది. ఈ సీరియల్ లో అమాయకంగా కనిపించే లహరి రియల్ లైఫ్ లో మాత్రం తాను ముక్కుసూటిగా ఉండే అమ్మాయినంటూ కొన్ని విషయాలను పంచుకుంది. ఇప్పటివరకు తను చేసిన అన్ని పాత్రలు నచ్చే చేశానని.. ప్రస్తుతం నటిస్తోన్న 'గృహాలక్షీ' సీరియల్ ను ప్రేక్షకులు ఆదరిస్తున్నారని,కాబట్టి తన పాత్రకు ఢోకా ఉండదని చెప్పింది. పాత్ర విషయానికొస్తే.. అది డైరెక్టర్ చేతిలో ఉంటుందని.. రేటింగ్ బట్టి మారిపోతుంటుందని.. జనాలకు నచ్చి రేటింగ్ వస్తే ఉంచుతారు లేదంటే లేదని చెప్పింది.

రేటింగ్ బట్టి కథ మారిపోతుందని.. సీరియల్ లో ఏదైనా జరగొచ్చని చెప్పింది. ఇప్పటివరకు తను చేసిన పాత్రలతో మంచి పేరొచ్చిందని.. జనాలు గుర్తుపట్టి పలకరిస్తుంటార‌ని.. తనను అభిమానిస్తున్నారని చెప్పుకొచ్చింది. ఇక సీరియల్స్ లో కానీ.. రియల్ లైఫ్ లో కానీ చేదు అనుభవాలు లేవని క్లారిటీ ఇచ్చింది. గొడవలకు దూరంగా ఉంటానని.. దేన్నీ సీరియస్ గా తీసుకోనని చెప్పింది. ఎవరైనా గొడవ పెట్టుకోవడానికి వస్తే పక్కకి తప్పుకుంటానని.. అలాంటి వారికి దూరంగా ఉంటానని చెప్పుకొచ్చింది.

ఇతర రాష్ట్రాల నుండి వచ్చిన వారు తెలుగు సీరియల్స్ లో హీరోయిన్స్ గా నటిస్తున్న విషయం గురించి మాట్లాడుతూ.. తనకు ఆ విషయంలో ఎలాంటి బాధ, బెంగ లేవని చెప్పింది. పక్క రాష్ట్రం వాళ్లు వచ్చి చేసేస్తున్నారు.. నాకు రోల్స్ రావనే భయం తనకు లేదని.. ఎవరు వచ్చినా, వెళ్లినా పట్టించుకోనని.. వాళ్లతో తనకు పోటీ లేదని.. తన రోల్స్ తనకు ఉన్నాయని స్పష్టం చేసింది. తనకు సినిమా అవకాశాలు వస్తున్నాయని.. కానీ సీరియల్స్ లోనే కంటిన్యూ అవ్వాలనుకుంటున్నట్లు చెప్పింది.