బిగ్ బాస్ షో తరువాత చాలా మంది కంటెస్టెంట్లకు మంచి పేరొచ్చింది. వారిలో హిమజ ఒకరని చెప్పాలి. అప్పటివరకు పలు సీరియల్స్, సినిమాల్లో సైడ్ క్యారెక్టర్లు పోషించిన ఈ నటికి బిగ్ బాస్ షో మంచి క్రేజ్ ను తీసుకొచ్చింది. ఈ క్రేజ్ ను క్యాష్ చేసుకునే పనిలో పడింది హిమజ. తనకు వచ్చిన పాపులారిటీతో ఇటీవల ఓ యూట్యూబ్ ఛానెల్ ఓపెన్ చేసింది. బిగ్ బాస్ షో నుండి బయటకు వచ్చిన చాలా మంది కంటెస్టెంట్ లు యూట్యూబ్ ఛానెల్స్ ను ఓపెన్ చేశారు కానీ హిమజ ఛానెల్ కి రోజురోజుకి స‌బ్‌స్ర్కైబ‌ర్స్ బాగా పెరుగుతున్నారు.

హిమజ బ్రేక్ ఇవ్వకుండా సెలబ్రిటీలకు చెందిన వీడియోలతో పాటు, వంటలకు సంబంధించిన వీడియోలను పోస్ట్ చేస్తోంది. బిగ్ బాస్ షో నుండి బయటకు వచ్చిన తరువాత కొత్త ఇంటిని కొనుక్కున్న హిమజ కొద్ది రోజుల క్రితం బెంజ్ కారు కూడా కొనుక్కుంది. ఆ సమయంలో ఆమెని చాలా మంది లగ్జరీ లైఫ్ ఎంజాయ్ చేస్తున్నామంటూ కామెంట్స్ చేయగా.. లోన్ తీసుకొని కారు కొన్నానని.. నెల నెలా ఈఎంఐ కట్టడానికి కష్టపడి పని చేస్తున్నానని హిమజ చెప్పింది.

ఇదిలా ఉంటే లేటెస్ట్‌గా హిమజ మరో కారు కొనుక్కుంది. దీనికి సంబంధించిన వీడియోను ఇన్స్టాగ్రామ్ లో షేర్ చేసింది. మహీంద్ర థార్‌ వాహనాన్ని సొంత చేసుకున్న హిమజ ఈ కారుకి 'తార' అనే పేరు కూడా పెట్టేసింది. ఈ పోస్ట్ చూసిన నెటిజన్లు ఆమెకి శుభాకాంక్షలు చెబుతున్నారు. ఈ కారు ధర రూ.13 నుండి రూ.15 లక్షల వరకు ఉంటుందని సమాచారం. మునుపు కొనుక్కున్న బెంజ్ కానీ, ఇప్పుడు కొన్న మ‌హీంద్ర థార్ కానీ రెడ్ క‌ల‌ర్‌వే. "ఐ ల‌వ్ రెడ్" అని చెప్తోంది హిమ‌జ‌.