రెండు తెలుగు రాష్ట్రాల్లో 'కార్తీకదీపం' సీరియల్ తో సెన్సేషన్ క్రియేట్ చేసింది వంటలక్క (ప్రేమి విశ్వనాథ్). మలయాళంలో వచ్చిన 'కరుతముత్తు' అనే సీరియల్ కు రీమేక్ గా దీన్ని రూపొందించారు. ఈ ఒక్క సీరియల్ తో మలయాళీ నటి ప్రేమి విశ్వనాథ్ మంచి పాపులారిటీ దక్కించుకుంది. అయితే సీరియల్స్ లో నటించకముందు ఆమె ఏం పని చేసేదో తెలుసా?.. 

1991 డిసెంబర్ 2న కేరళలో జన్మించిన ప్రేమి విశ్వనాథ్ లా కోర్సు పూర్తి చేసింది. ఆ తరువాత ఓ ప్రైవేట్ సంస్థకు లీగల్ అడ్వైజర్ గా పని చేసింది. ఇక సీరియల్స్ లో నటించడం కంటే ముందు మోడల్ గానూ రాణించింది. అంతేకాకుండా.. 'సాల్మ‌న్‌ 3 డీ' సినిమాలో కూడా నటించింది. ప్రేమి అన్నయ్య శివప్రసాద్ కేరళలో ఫేమస్ ఫోటోగ్రాఫర్. ఆయనకు ఎర్నాకుళంలో రెండు స్టూడియోలు కూడా ఉన్నాయి. తన సోదరుడిలానే ఫోటోగ్రఫీ మీద మక్కువతో కొన్ని పెళ్లిళ్లు, శుభకార్యాలకు పని చేసిందట ప్రేమి విశ్వనాథ్. 

ఇక ప్రేమి విశ్వనాథ్ భర్త వినీత్ భట్ ఆస్ట్రాలజీలో పలు అంతర్జాతీయ అవార్డులను సైతం గెలుచుకున్నారు. ఆయన వద్దకు పలువురు రాజకీయ, సినిమా రంగాలకు చెందిన వాళ్లు వస్తుంటారట. ప్రేమి-వినీత్ లకు ఓ కొడుకు కూడా ఉన్నాడు. ఇక ప్రేమి విశ్వనాథ్ కు తెలుగులో పలు సినీ అవకాశాలు కూడా వస్తున్నాయట. కానీ ప్రస్తుతం ఆమె సీరియల్ మీదే ఫోకస్ పెట్టారు.