English | Telugu

చియాన్ ఫ్యాన్స్ టెన్షన్ ని తగ్గించిన మేనేజర్

కొన్ని సినిమాలు విడుదల కావడానికి నెలల సమయం ఉన్నా కూడా ఎప్పుడెప్పుడు ఆ సినిమా రిలీజ్ అవుతుందా అని ప్రేక్షకులు ఎదురుచూస్తుంటారు. అలా ప్రేక్షకులు ఎదురుచూస్తున్న సినిమాల్లో ఒక సినిమా చియాన్ విక్రమ్ హీరోగా వస్తున్న తంగలాన్. ఇటీవల ఈ సినిమాకి సంబందించిన ప్రమోషన్ నిమిత్తం విక్రమ్ హైదరాబాద్ వచ్చాడు. మీడియా తో ముచ్చటించే క్రమంలో తంగలాన్ మూవీలో తన క్యారక్టర్ కి సంబంధించి చేసిన వ్యాఖ్యలు విక్రమ్ అభిమానులతో పాటు సినీ అభిమానులని కూడా షాక్ కి గురి చేసాయి. ఇప్పుడు విక్రమ్ మేనేజర్ ఆ వ్యాఖ్యల మీద వివరణ ఇచ్చాడు.

మీడియా సమావేశంలో విక్రమ్ మాట్లాడుతు తంగలాన్ లో నాకు డైలాగ్స్ ఉండవని తాను గతంలో శివ పుత్రుడు సినిమాలో పోషించిన క్యారక్టర్ తరహాలో నా పాత్ర ఉంటుందని చెప్పాడు. తంగలాన్ టీజర్ రిలీజ్ అయ్యిన దగ్గరనుంచి తమ అభిమాన కధానాయకుడు మూవీ లో పోషించే క్యారక్టర్ మీద ఎన్నో ఆశలు పెట్టుకున్న చియాన్ ప్యాన్స్ ఆందోళనకి గురయ్యి సోషల్ మీడియా వేదికగా రకరకాల రీతిలో తమ బాధని వ్యక్తం చేస్తున్నారు. దీంతో చియాన్ మేనేజర్ రంగంలోకి దిగి చియాన్ చేసిన వ్యాఖ్యలపై క్లారిటీ ఇచ్చాడు. విక్రమ్ గారి ఉద్దేశంలో నాకు టీజర్ లో మాత్రమే డైలాగ్స్ లేవనే అర్ధమని ఆయన పలికిన ఉచ్చారణలోని చిన్న తేడా వల్ల విక్రమ్ గారికి సినిమా లో డైలాగ్స్ లేవని అభిమానులు అనుకుంటున్నారని నూటికి నూరుపాళ్లు తంగలాన్ లో విక్రమ్ గారికి డైలాగ్స్ ఉంటాయని చెప్పడంతో ప్యాన్స్ రిలాక్స్ అయ్యారు. తంగలాన్ చిత్రానికి లైవ్ సింక్ సౌండ్ కూడా వినియోగించడం జరిగిందని మేనేజర్ సూర్య నారాయణ చెప్పాడు.

ఇటీవలే తంగలాన్ టీజర్ రిలీజ్ అయ్యి రికార్డు స్థాయిలో వ్యూయర్స్ ని సంపాదించింది. విక్రమ్ తాలూకు నట విశ్వరూపం ఎలా ఉంటుందో ఆయన నటించిన ఎన్నో సినిమా లు ప్రేక్షకులకి తెలియచేశాయి. తాను పోషించే క్యారక్టర్ కోసం విక్రమ్ ఎంతైనా కష్టపడతాడు. తంగలాన్ లో కూడా క్యారక్టర్ కోసం బాగా సన్నపడటమే కాకుండా ఒంటి మీద కేవలం చిన్న వస్త్రం మాత్రమే ధరించి గుబురు గడ్డంతో నటించాడు. పా రంజిత్ దర్శకత్వంలో వస్తున్న తంగలాన్ కి కేఈ జ్ఞానవేల్ రాజా నిర్మాతగా వ్యవహరిస్తున్నాడు.

చీరకి, స్కర్ట్స్ కి తేడా ఇదే.. రోహిణి ఎవర్ని టార్గెట్ చేసిందో తెలుసా!

సుదీర్ఘ సినీ చరిత్ర కలిగిన నటి రోహిణి. అచ్చ తెలుగింటి ఆడపడుచు అయిన రోహిణి 1974 లో బాలనటిగా సినీ రంగ ప్రవేశం చేసి దక్షిణ భారతీయ సినీ పరిశ్రమకి చెందిన    ఎంతో మంది లెజండ్రీ యాక్టర్స్ తో స్క్రీన్ ని షేర్ చేసుకుంది. హీరోయిన్ గా,క్యారక్టర్ ఆర్టిస్ట్ గా, స్క్రీన్ రైటర్ గా, డబ్బింగ్ కళాకారిణిగా చాలా బలమైన ఐడెంటిటీ ఆమె సొంతం. నన్ను కన్నది తెలుగు తల్లి అయితే, పెంచింది తమిళ తల్లి అని ఎలాంటి దాపరికాలు లేకుండా చెప్పే రోహిణి రీసెంట్ గా ఒక కార్యక్రమంలో పాల్గొంది. ఈ సందర్భంగా ఆమె ఆడవాళ్ళ గురించి మాట్లాడిన మాటలు వైరల్ గా నిలిచాయి.

సైక్ సిద్ధార్ధ ఫస్ట్ డే కలెక్షన్స్ ఇవేనా! పగ వాడికి కూడా ఆ బాధ రాకూడదు

శ్రీ నందు(Shree Nandu)చాలా గ్యాప్ తర్వాత సోలో హీరోగా తన అదృష్టాన్ని పరీక్షించుకుంటు 2026 కి వెల్ కమ్ చెప్తు నిన్న 'సైక్ సిద్దార్ధ'(Psych Siddhartha)తో సిల్వర్ స్క్రీన్ పై ల్యాండ్ అయ్యాడు. పక్కా రొమాంటిక్ ఎంటర్ టైనర్ గా తెరకెక్కగా బాగానే ఉందనే టాక్ ని సొంతం చేసుకుంది.  రివ్యూస్ కూడా అదే స్థాయిలో వస్తున్నాయి. పైగా సింగల్ స్క్రీన్స్ తో సహా మల్టి ప్లెక్స్ లో టికెట్ రేట్స్ ని భారీగా తగ్గించారు. దీంతో అందరి చూపు సైక్ సిద్దార్ధ వైపు పడిందనే టాక్ సినీ సర్కిల్స్ లో వినిపిస్తుంది. మరి మొదటి రోజు ఏ మేర కలెక్షన్స్ ని రాబట్టిందో చూద్దాం.