English | Telugu
విజయ్ దేవరకొండ మూవీకి పవర్ఫుల్ టైటిల్ ఫిక్స్ అయింది!
Updated : Jan 25, 2026
గత కొంతకాలంగా ఫ్లాప్స్తో సతమతమవుతున్న విజయ్ దేవరకొండ సక్సెస్ఫుల్ డైరెక్టర్ రాహుల్ సంకత్యాన్తో కలిసి ఒక సినిమా చేస్తున్న విషయం తెలిసిందే. యదార్థ ఘటనల ఆధారంగా పీరియాడిక్ యాక్షన్ డ్రామాగా తెరకెక్కుతున్న ఈ సినిమాకి ‘రణబలి’ అనే టైటిల్ను ఫిక్స్ చేశారు మేకర్స్.
స్వాతంత్య్రానికి ముందు రాయలసీమ బ్యాక్డ్రాప్లో ఈ కథ ఉంటుంది. వలసలు, కరవు జీవితం, జానపద కథలు, తిరుగుబాటు భావాలు వంటి ఎలిమెంట్స్తో ఈ కథను రూపొందించారు. ఇందులో విజయ్ దేవరకొండ ఒక వీరయోధుడిగా కనిపించబోతున్నారు. రిపబ్లిక్ డే సందర్భంగా ఈ సినిమా టైటిల్ను అధికారికంగా ప్రకటించబోతున్నారు.
ఇంతకుముందు విజయ్, రాహుల్ కాంబినేషన్లో వచ్చిన టాక్సీవాలా మంచి విజయాన్ని సాధించింది. చాలా గ్యాప్ తర్వాత మళ్ళీ ఈ ఇద్దరూ కలిసి సినిమా చేస్తున్నారు. ఒక సక్సెస్ఫుల్ కాంబినేషన్లో మరో సినిమా రాబోతుండగా ప్రేక్షకుల్లో, అభిమానుల్లో ఈ సినిమాపై భారీ అంచనాలు ఏర్పడ్డాయి. ఇది తప్పకుండా ఒక మంచి సినిమా అవుతుందని అందరూ భావిస్తున్నారు.
సోమవారం టైటిల్తోపాటు సినిమాలోని విజయ్ దేవరకొండ లుక్ను కూడా రివీల్ చెయ్యాలని మేకర్స్ భావిస్తున్నారు. ఇప్పటివరకు విజయ్ చేసిన క్యారెక్టర్లకు భిన్నమైన క్యారెక్టర్ ఈ సినిమాలో చేస్తున్నారని తెలుస్తోంది. ఇది అతనికి కంబ్యాక్ మూవీ అవుతుందని చిత్ర యూనిట్ కూడా ఎంతో కాన్ఫిడెన్స్ ఉంది.