సరైనోడులో సాంబారు చబ్బీ బ్యూటీ, రాజుగారి గది చిత్రంలో బుజ్జమ్మ గా ఫ్యామస్ అయిన నటి నటి విద్యుల్లేఖ రామన్ తెలుగు ప్రేక్షకులకు గుర్తుండే ఉంటుంది. తన డిఫరెంట్ డైలాగ్ డెలివరీతో, ఫిమేల్ కమెడియన్స్ లో త్వరగానే పేరు తెచ్చుకుంది ఈ తమిళ భామ. హీరోయిన్ ఫ్రెండ్ క్యారెక్టర్స్ తో మంచి బిజీగా సాగిపోతోంది విద్యు కెరీర్. రీసెంట్ ఫ్రెండ్స్ తో కలిసి సమ్మర్ టూర్ గా ఆస్ట్రియాలోని వియన్నాకు వెళ్లిన విద్యుకు అక్కడ షాక్ ఎదురైంది. ఆమె పాస్ పోర్ట్ తో పాటు, డబ్బు, విలువైన వస్తువులు ఉన్న బ్యాగ్ చోరీకి గురైంది. దీంతో తనకు సాయం చేయాల్సిందిగా ట్విట్టర్లో ప్రధానమంత్రికి, విదేశీ వ్యవహారాల శాఖ మంత్రి సుష్మా స్వరాజ్ కు ట్వీట్ చేసి అభ్యర్ధించింది. ఆ తర్వాత ఆమె భారత్ కు చేరుకోవడానికి అవరసరమైన ఏర్పాట్లన్నీ అక్కడి భారత ప్రభుత్వ ఎంబసీ ఏర్పాటు చేయడంతో ఊపిరి పీల్చుకుంది బుజ్జమ్మ. యూరప్ లో విదేశీ పర్యాటకులను టార్గెట్ చేసి ఇలాంటి దొంగతనాలు ఎక్కువగా చేస్తున్నారని, అక్కడకు వెళ్లిన వాళ్లు జాగ్రత్తగా ఉండాలని తర్వాత మరో ట్వీట్ చేసింది. తమిళ టుడు మోహన్ రామన్ కుమార్తె అయిన విద్యు రామన్, తమిళ తెలుగు సినిమాల్లో నటిస్తూ తనకంటూ మంచి గుర్తింపును తెచ్చుకుంది. ఎటో వెళ్లిపోయింది మనసు, రామయ్యా వస్తావయ్యా, భలే మంచి రోజు సినిమాలతో ఆమె తెలుగు ప్రేక్షకులకు సపరిచితురాలైంది.