English | Telugu
"వీడింతే"లో విక్రమ్ 17 గెటప్స్
Updated : Dec 8, 2011
పి.వి.పి.సినిమా పతాకంపై, పరమ్ వి.పొట్లూరి సమర్పణలో, చియాన్ విక్రమ్ హీరోగా, దీక్షాసేథ్ హీరోయిన్ గా, కళా తపస్వి డాక్టర్ కె.విశ్వనాథ్ ఒక ముఖ్య పాత్రలో నటించగా, రీమాసేన్, శ్రియ శరణ్, సలోనీ కొన్ని పాటల్లో నటించగా, "నా పేరే శివ" ఫేం సుసీంద్రన్ దర్శకత్వంలో, ప్రసాద్ వి.పొట్లూరి నిర్మిస్తున్న చిత్రం" వీడింతే". క్యాప్షన్ "బై బర్త్" అని నిర్ణయించారు. ఈ చిత్రాన్ని నిజానికి తెలుగు, తమిళ భాషల్లో నిర్మిస్తున్నారు. తమిళంలో ఈ చిత్రానికి "రాజు పాట్టై"అన్న పేరుతో విడుదల చేస్తారు.
ఈ చిత్రంలో హీరో విక్రమ్ మొత్తం 17 గెటప్స్ లో ప్రేక్షకులకు కనువిందు చేయనున్నారు. ఇంతవరకూ మన దేశంలో ఇన్ని గెటప్స్ మన దేశంలో ఏ హీరో కూడా వేసిన దాఖలాలు లేవు. ఈ ఘనత హీరో విక్రమ్ కు మాత్రమే దక్కింది. ఈ గేటప్స్ కొన్ని ఒక పాటలో కొన్ని సెకన్లు పాటు, మరికొన్ని గెటప్స్ కొన్ని నిమిషాల పాటు కనిపిస్తాయని స్వయంగా హీరో విక్రమే మీడియాకు తెలియజేశారు.