ప్రముఖ కన్నడ హీరో ఉపేంద్ర అందరు హీరోల్లా కాకుండా చాలా విభిన్నంగా ఉండే చిత్రాల్లో వెరైటీ పాత్రల్లో నటించి తనకంటూ ఒక ప్రత్యేక గుర్తింపుని సంపాదించుకున్నాడు. అతని చిత్రాల్లో అతని పాత్రలు చూస్తే ఈ విషయం ఎవరికైనా అర్థమవుతుంది.

కన్నడంలో ఉపేంద్ర హీరోగా, ఆర్తి చాబ్రియా హీరోయిన్ గా వచ్చిన ఒక చిత్రాన్ని తెలుగులో "రజనీ ఫ్రం రాజమండ్రి"గా,పగడాల శివ నారాయణ, బి.హనుమయ్య అనువదిస్తున్నారు.

ప్రేమించిన తన ప్రేయసి కోసం ప్రేమికుడు ఎంతకైనా తెగిస్తాడు...తన ప్రేమను సాధించుకోటానికి ఏ స్థాయికి వెళతాడు అన్నదే ఈ చిత్ర కథాశం. ఈ చిత్రం అనువాద కార్యక్రమాలను ముగించి మార్చి నెలలో విడుదల చేయటానికి ఈ చిత్ర నిర్మాతలు సన్నాహాలు చేస్తున్నారు.