"శంకర్ సినిమా మిస్సవటం బాధగా ఉంది" అని టాలీవుడ్ ప్రిన్స్ మహేష్ బాబు ఇటీవల అన్నారు. వివరాల్లోకి వెళితే బాలీవుడ్లో అమీర్ ఖాన్, మాధవన్, కరీనా కపూర్ నటించగా సూపర్ హిట్టయిన "3ఇడియట్స్" సినిమాని తెలుగు, తమిళ భాషల్లో శంకర్ దర్శకత్వంలో, జెమినీ ఫిలిం సర్క్యూట్ వారు రీమేక్ చేస్తున్నారు. ఈ రీమేక్ సినిమాలో శంకర్ దర్శకత్వంలో మహేష్ బాబు కూడా నటించాల్సి ఉంది. కానీ ఆ సినిమాకి డేట్లు సర్దుబాటు చేయలేకపోవటం వలన మహేష్ బాబు ఆ సినిమాని వదులుకోవాల్సి వచ్చింది.

ఆ విషయం గురించి మహేష్ బాబు మాట్లాడుతూ "శంకర్ తో కనీసం ఒక సినిమాలోనైనా నటించాలని ఉంది. అందుకనే రీమేక్ సినిమాల్లో నటించకూడదని నేను విధించుకున్న రూల్ కి వ్యతిరేకంగా, ఆ రీమేక్ సినిమాలో నటించాలనుకున్నాను. కానీ బిజీగా సినిమాలు చేయటం వలన ఆ సినిమాలో నటించలేకపోయినందుకు కాస్త బాధగానే ఉంది" అని అన్నారు. ఇంకో ప్రశ్నకు సమాధానంగా "అభిమానులకు టచ్ లో ఉండటం కోసమే నేను ఇన్ని యాడ్ ఫిలింస్ లో నటించటం జరిగింది. అంతే కానీ ఏదో డబ్బులు సంపాదించాలని కాదు" అన్నారు. మహేష్ బాబు ప్రస్తుతం "దూకుడు" సినిమాలో హీరోగా నటిస్తున్నారు.