రామ్ చరణ్ "రచ్చ" లో కలర్స్ స్వాతి నటిస్తూందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే మెగా సూపర్ గుడ్ ఫిలింస్ పతాకంపై, యువహీరో రామ్ చరణ్ హీరోగా, మిల్కీవైట్ బ్యూటీ తమన్నా భాటియా హీరోయిన్ గా,"ఏమైంది ఈ వేళ" ఫేం సంపత్ నంది దర్శకత్వంలో, యన్.వి.ప్రసాద్, పరాస్ జైన్ సంయుక్తంగా నిర్మిస్తున్న చిత్రం "రచ్చ". ఈ రామ్ చరణ్ "రచ్చ" సినిమా జూన్ రెండవ వారంలో ప్రారంభం కానుంది. ఈ రామ్ చరణ్ "రచ్చ" సినిమాలో కలర్స్ స్వాతి ఒక ముఖ్య పాత్రలో నటించనుందట. అలాగే రామ్ చరణ్ "రచ్చ" దర్శకుడు సంపత్ నంది అభ్యర్థన మేరకు స్వాతి ఈ చిత్రంలో ఒక పాటను కూడా పాడనుందని తెలిసింది.

స్వాతి గతంలో "అష్టచమ్మ, కలవరమాయె మదిలో, గోల్కొండ హైస్కూల్" వంటి చిత్రాల్లో హీరోయిన్ గా నటించింది. అలాగే దేవీశ్రీ ప్రసాద్ సంగీత దర్శకత్వంలో "100%లవ్" సినిమాలో "ఏ స్క్వేర్ బి స్క్వేర్" అనే హిట్ సాంగ్ ని కూడా పాడి గాయకురాలిగా కూడా మారింది. రామ్ చరణ్ "రచ్చ" సినిమాకి మణిశర్మ సంగీత దర్శకుడు. రామ్ చరణ్ "రచ్చ" సినిమాలో కొంత భాగం శ్రీలంకలో షూటింగ్ జరుపుకోనుందట. ఈ సినిమా కోసం హీరో రామ్ చరణ్ శారీరకంగా విదేశంలో ప్రత్యేక శిక్షణ తీసుకున్నాడు.