English | Telugu
ఘనంగా ప్రారంభమైన ఆది "సుకుమారుడు"
Updated : May 24, 2012
లవ్లీ స్టార్ ఆది హీరోగా, నిషా అగర్వాల్ హీరోయిన్ గా, "పిల్ల జమీందార్" ఫేం అశోక్ దర్శకత్వంలో, శ్రీ సౌదామినీ క్రియేషన్స్ పతాకంపై, కె.వేణుగోపాల్ నిర్మిస్తున్న చిత్రం "సుకుమారుడు". "మే" 24 వ తేదీన ఉదయం హైదరాబాద్ రామానాయుడు స్టుడియోలో, కె.యస్.రామారావు కెమెరా స్విచ్చాన్ చేయగా, శ్రీను వైట్ల క్లాప్ కొట్టగా, ముహూర్తం షాట్ కు బి.జయ గౌరవ దర్శకత్వం వహించగా, బెల్లంకొండ సురేష్ స్క్రిప్ట్ అందించగా ఈ చిత్రం ఘనంగా ప్రారంభమైంది.
ఈ సందర్భంగా ఈ చిత్రం హీరో ఆది ప్రసంగిస్తూ తనను హీరో చేసిన ఆర్ ఆర్ మూవీ మేకర్స్ అధినేత వెంకట్ గారికి తన కృతజ్ఞతలు తెలిపారు. ఈ చిత్రంలో తన పాత్ర విభిన్నంగా ఉంటుందని కూడా ఆయన అన్నారు. దర్శకుడు అశోక్ ప్రసంగిస్తూ "ఈ చిత్రంలో ఆది పాత్ర సుకుమారుడు కానీ ఈ పాత్రలో రఫ్ గా ఉండే మరో కోణం కూడా ఉంటుంది" అన్నారు.ఈ చిత్రాన్ని కె.వి.వి.సత్యన్నారాయణ సమర్పిస్తున్నారు.